İkinci maqnit qasırğası baş verdi

Cəmiyyət
10:58 / 07.07.2025
3655
Bu gün səhər saatlarında bu ayın ikinci maqnit qasırğası baş verib.
Sfera.az bu barədə xarici mediaya istinadən xəbər verir. Mütəxəssislər bildirirlər ki, monitorlar günəş küləyinin sürətində və temperaturunda artım müşahidə edib.
Hazırda Yer kürəsinin maqnit sahəsində pozuntu davam etsə də, planetdə güclü xarici təsirlərin olmaması səbəbindən fırtınanın bir neçə saat ərzində səngiyəcəyi gözlənilir.
Qeyd edək ki, iyulun ilk maqnit qasırğası ötən gün iyulun 6-da baş vermişdi.
Maqnit qasırğaları xüsusilə meteohəssas insanlarda baş ağrısı, halsızlıq, yuxusuzluq və əhval dəyişiklikləri yarada bilər. Mütəxəssislər bu günlərdə istirahətə və bol maye qəbuluna üstünlük verilməsini tövsiyə edirlər.
Fidan Hacızadə
Sfera.az