Bu qadınlarda xərçəng riski artacaq - Yeni Tədqiqat

ABŞ-də aparılan yeni araşdırma uşaqlıq xərçəngi hallarının gələcək illərdə əhəmiyyətli dərəcədə artacağını göstərir.

Sfera.az xarici mediaya istinadla xəbər verir ki, Kolumbiya Universitetinin alimlərinin tədqiqatına görə, 2050-ci ilə qədər bəzi qadın qruplarında uşaqlıq yolu xərçəngi halları 53 faiz çoxala bilər. Tədqiqatçılar həmçinin bildiriblər ki, 18-84 yaşlı qadınlar arasında uşaqlıq xərçəngindən ölüm halları növbəti 25 ildə 83-98 faiz arta bilər. Mütəxəssislər bu artımın əsas səbəbləri kimi piylənmə və qeyri-sağlam qidalanmanı göstərirlər. “Cancer Research UK”nin məlumatına əsasən, İngiltərədə uşaqlıq xərçəngi hallarının üçdə biri artıq çəki və ya piylənmə ilə bağlıdır.

Piylənmə insulin və testosteron səviyyələrini artıraraq şişlərin inkişafına şərait yarada bilər. Qlobal məlumatlara görə, 50 yaşdan aşağı şəxslərdə bağırsaq xərçəngi növü 50 ölkədən 27-də artıb. Mütəxəssislər xəstəliyin artmasını yalnız piylənmə ilə izah etmirlər, ətraf mühit toksinləri, plastiklər və ultra emal olunmuş qidaların (UPF) da təsirini vurğulayırlar. London Universitetindən Dr. Chris van Tulleken bildirib ki, UPF-lərlə xərçəng arasında birbaşa əlaqə var: “Tortlar, çipslər və hazır yeməklər kimi UPF-lərdə yüksək şəkər, duz, yağ və ev mətbəxində istifadə olunmayan əlavələr olur. 1990-cı ildən bəri piylənmə nisbətləri ikiqat artsa da, əsas səbəblərdən biri məhz UPF-lərin geniş yayılmasıdır”.

Fidan Hacızadə

Sfera.az