AZAL təyyarəsi Rusiya MN-in göstərişi ilə vurulub - Sensasion iddia
Minval.az redaksiyasına anonim məktub daxil olub.
Sfera.az sözügedən sayta istinadla xəbər verir ki, anonim məktubda 2024-cü ilin dekabrında qəzaya uğrayan AZAL-a məxsus Embraer E190 təyyarəsinin Rusiya Silahlı Qüvvələrinin “Pantsir-S” zenit-raket kompleksi tərəfindən vurulduğunu təsdiqləyən materiallar yer alıb.
Məktubda Hava Hücumundan Müdafiə kapitanının izahatı, atəş anını əks etdirən videoyazı, audiofayllar və digər sənədlər təqdim olunub. Bu materiallara əsasən, atəş Rusiya Müdafiə Nazirliyinin birbaşa göstərişi ilə açılıb.
Redaksiya təqdim olunan materialların orijinallığını müstəqil şəkildə təsdiqləyə bilməsə də, onların ictimai əhəmiyyətini nəzərə alaraq yaxın günlərdə dərc etməyi planlaşdırır.
Eyni zamanda Minval.az redaksiyası həmin materialların Azərbaycan Respublikasının faciənin araşdırılması ilə məşğul olan aidiyyəti qurumlarına təqdim olunmasına hazır olduğunu bəyan edir.
