Bir qrup İran əsilli xarici vətəndaşın Azərbaycana təxliyəsi həyata keçirilib

Cəmiyyət
20:17 / 28.06.2025
4216
Səhər saatlarından bir qrup İran əsilli xarici vətəndaşın bu ölkədən Azərbaycana təxliyəsi həyata keçirilib.
Sfera.az bildirir ki, təxliyə prosesi “Astara” dövlət sərhədinin buraxılış məntəqəsində beynəlxalq humanitar normalara uyğun şəkildə təşkil edilib.
Vətəndaşlar sərhəddə sənədləşmə və müvafiq yoxlamalardan keçdikdən sonra Azərbaycan ərazisinə təhlükəsiz şəkildə daxil olublar.
Təxliyə iştirakçıları onlara göstərilən diqqət, qayğı və qonaqpərvərlik üçün Azərbaycan dövlətinə və xalqına təşəkkürlərini bildiriblər.
Həmin şəxslər üçün ayrılan nəqliyyat vasitələri ilə Bakı istiqamətində hərəkət təmin olunub. Hazırda digər ölkə vətəndaşlarının da təxliyəsi davam etdirilir.