Vüsal Murtuzəliyev reanimasiyaya yerləşdirilməsindən yazdı

Şükür, mənim üçün də bu ağır günlərin sonu xeyirlə başa çatdı. Artıq yavaş-yavaş bərpa oluram. Həkimin tövsiyəsiylə telefondan, internetdən bir müddət maksimum uzaq durmalıyam. Sadəcə narahatlığınızı anlayıb bu paylaşımı etməyə özümə borc bildim.

Sfera.az xəbər verir ki, bu barədə aktyor Vüsal Murtuzəliyev sosial şəbəkə hesabında yazıb.

“Ölüm qaşla göz arasındadır. Özümə qarşı laqeyd yanaşırdım. Bəlkə də bu bir xəbərdarlıq idi ki, məni silkələdi. Təbii ki, bundan sonra sağlamlığımla bağlı çox şeyi dəyişməli olacağam”, - aktyor bildirib.

Qeyd edək ki, bir neçə gün öncə əməkdar artist Dilarə Əliyevanın qardaşı, aktyor Vüsal Murtuzəliyev reanimasiyaya yerləşdirilmişdi.