Azərbaycan Dəmir Yollarında yeni təyinat oldu
"AZCON Holding”in şirkətlərindən olan Azərbaycan Dəmir Yolları QSC-də (ADY) yeni təyinat olub.
Bu barədə Sfera.az-a səhmdar cəmiyyətindən bildirilib.
Məlumata görə, Ürfan Atakişiyev qurumun Daxili audit departamentinin müdiri vəzifəsinə təyin edilib.
O, Azərbaycan Dövlət İqtisad Universitetində "Dünya iqtisadiyyatı" ixtisası üzrə bakalavr təhsili alıb, hazırda York və Strasburq universitetlərinin birgə təşkilatçılığı ilə tədris edilən "Biznesin təşkili və idarə olunması" ixtisası üzrə magistratura təhsili alır.
Ü.Atakişiyev peşəkar əmək fəaliyyətinə 2014-cü ildə PWC şirkətində audit üzrə mütəxəssis kimi başlayıb, həmin şirkətdə fəaliyyətini audit üzrə böyük mütəxəssis kimi davam etdirib. O, 2017-ci ildə “SOCAR Polymer” MMC-də işə başlayıb və ADY-dəki təyinatına qədər bu şirkətdə müxtəlif rəhbər vəzifələrdə çalışıb.
Bundan əvvəl Daxili audit departamentinin müdiri vəzifəsində işləyən Ruslan Cəfərov karyerasında yeni mərhələyə başlamaq məqsədilə ADY-dən ayrılıb.
