Azərbaycanda bu şəxslərə 350 manat veriləcək - FOTO
Cəfər Cabbarlı adına Respublika Gənclər Kitabxanası Varis Yolçiyevə 190 manat, İlham Qəhrəmana isə 160 manat ödəyəcək.
Sfera.az iqtisadiyyat.az-a istinadən xəbər verir ki, Kitabxana Azərbaycan Yazıçılar Birliyinin üzvləri - Əməkdar jurnalist, tanınmış yazıçı-publisist Varis Yolçiyevlə və şair-publisist İlham Qəhrəmanla müqavilə bağlayıb.
Müqavilə hər iki yazıçının nəşrlərinin satınalınması ilə bağlıdır. Kitabxana ilə V.Yolçiyev arasında bağlanmış müqavilənin dəyəri cəmi 190 manat, İ.Qəhrəman arasında bağlanmış müqavilənin dəyəri isə cəmi 160 manat məbləğindədir.
Xatırladaq ki, Respublika Gənclər Kitabxanası ötən il də hər iki yazıçı ilə onlara məxsus nəşrlərin satınalınması ilə bağlı müqavilə bağlamışdı. Həmin müqavilələrə əsasən, kitabxana tərəfindən V.Yolçiyevə 620 manat, İ.Qəhrəmana isə 349,9 manat ödənilib.
Məqaləyə dair fotomateriallar:
