Tələbə təqaüdləri ARTIRILIR? – Rəsmi AÇIQLAMA

Bildiyiniz kimi, yaxın günlərdə bir çox sosial müavinətdə artım oldu. Artan sosial müavinətlərin sırasında tələbə təqaüdləri yer almadı.
 

Tələbələrə maraqlıdır ki, təqaüdlərin artması gözlənilir?

 

Sfera.az xəbər verir ki, Bizim.Media məsələylə bağlı Əmək və Əhalinin Sosial Müdafiəsi Nazirliyinə sorğu ünvanlayıb.

Nazirliyin mətbuat katibi Fazil Talıbov saytımıza açıqlamasında bildirib ki, son illərdə həyata keçirilən sosial islahatlar nəticəsində tələbə təqaüdlərinin məbləğlərində də davamlı artımlara nail olunub. Növbəti artıma gəlincə, məlumat olduğu halda ictimaiyyətə bu barədə açıqlanacaq.

Millət vəkili, iqtisadçı Vüqar Bayramov qeyd edib ki, sosial müavinətlərin artması sosial paketin dərinləşməsinə xidmət edir:
 

“Maaliyyə dəyərləndirilməsi nəticəsində sosial paketin növbəti mərhələsi aydın olacaq. Sosial paketə 1.4 milyard manat  vəsait ayrılması nəzərdə tutulub. 3 milyon vətəndaşımız sosial paketdən faydalana biləcək. Mütəmadi olaraq müvafiq dövlət qurumu tərəfindən qiymətləndirilmə aparılır, artımlar həyata keçirilir. Sosial müavinətlər, digər ödənişlər çərçivəsində qərarlar qəbul edilir. Maaliyyə qiymətləndirilməsi nəticəsində sosial paketin növbəti mərhələsinin nələrlə əhatə olunacağı aydın olacaq. Artımlar olduğu zaman bu cəmiyyətə təqdim olunacaq”.

 

İqtisadçı Natiq Cəfərli isə təqaüdlərin artacağını düşünmür. O, müavinətlərin artmasının milyonlarla insana təsirindən, bunun isə inflyasiya prosesinə təsirindən danışıb.
 

“Bazarda pul vəsaiti artdıqca, bu, təbii olaraq qiymətlərə də təsir göstərir. Ona görə də inflyasiyanın sürətlənməsi mümkündür. Hər şey inflyasiyaya qarşı aparılan tədbirlərdən asılı olacaq.  Ciddi dalğalar gözlənilməsə də, 5-6 % inflyasiya  ola bilər”.