İnsanlar arasında bürc uyğunluğu uzun illərdir sevgi və münasibət dinamikalarını izah etmək üçün istifadə olunan bir vasitədir. Ancaq yeni elmi tədqiqatlar bu uyğunluğun sadəcə “ulduzların düzülüşü” ilə deyil, genetik və bioloji faktorlarla da əlaqəli ola biləcəyini ortaya qoyur.

Sfera.az xəbər verir ki, astrologiyada “uyğun bürclər” anlayışı, məsələn, Xərçəng və Buğa kimi bir-birini tamamlayan bürclərin münasibətdə daha harmoniya içində olması geniş şəkildə qəbul edilir. Lakin psixologiya və nevrologiya sahəsində aparılan son araşdırmalar göstərir ki, insan şəxsiyyəti və münasibət formaları qismən genetik meyllərlə də müəyyən olunur.

Yaponiyada aparılan bir araşdırmada, dopamin D4 reseptoru (DRD4) geninin müəyyən variasiyalarının insanın macəraçılıq və impulsiv davranışlarına təsir etdiyi müəyyənləşdirilib. Eyni genetik xüsusiyyətlərin astrologiyada daha dinamik və sərbəst xarakterli bürclərlə məsələn, Oxatan və Əkizlər üst-üstə düşməsi maraq doğurub.

Bundan başqa, OXTR adlı empati ilə əlaqəli gen daha yüksək sosial uyğunluq göstəriciləri ilə əlaqələndirilib. Bu isə Xərçəng və Balıqlar kimi empatik bürclərlə paralellik təşkil edir.

Astroloji bürclər doğum tarixləri ilə təyin olunur. Elmi baxımdan da doğum ayının insanın emosional və psixoloji vəziyyətinə təsiri inkar edilmir. 2009-cu ildə “Psychiatry Research” jurnalında dərc olunan bir sistemli icmalda qeyd olunur ki, doğum fəslinə görə şəxsiyyətdə fərqliliklər müşahidə edilir.

Bu araşdırmalara əsasən:

Yaz aylarında doğulanlar daha çox enerjili və optimist və qış aylarında doğulanlar isə daha çox introspektiv və həssas olur. Tədqiqatçılar bunun səbəbi kimi hamiləlik dövründə günəş şüasının miqdarı, D vitamini səviyyəsi və melatonin istehsalı kimi bioloji faktorları göstərirlər.

Fidan Hacızadə
Sfera.az

Bir-birinə ən uyğun bürclər BUNLARDIR - ADLAR