Azərbaycanın bu şəhərində boşanmalar nikahlardan çox olub - Rəsmi

2025-ci ilin birinci rübünə aid olan məlumata əsasən, Azərbaycanın bəzi rayon və şəhərlərində boşanma sayı nikah sayına yaxın olub. Hətta bir şəhərdə boşanmaların sayı daha çox olub. 

Sfera.az Dövlət Statistika Komitəsinin məlumatına istinadən xəbər verir ki, Şahbuz rayonunda 11 nikah və 11 boşanma qeydə alınıb.

Bu rayonda bir nikaha bir boşanma faktı düşüb. 

Naftalan şəhərində isə boşanma sayı nikah sayından çox olub. Bu şəhərdə 3 ay ərzində 9 nikah olduğu halda 12 boşanma qeydə alınıb. 

Ümumilikdə, son illərdə Azərbaycanda nikah sayı ilə boşanma sayı arasındakı kəskin fərq tədricən aradan qalxır. Bunu bəzi rayon və şəhərlərə aid olan statistik məlumatlardan da görmək olar. 

Məsələn, Binəqədi rayonunda 266 nikaha 207 boşanma, Nəsimi rayonunda 162 nikaha 120 boşanma, Naxçıvan şəhərində 73 nikaha 52 boşanma, Balakən rayonunda 70 nikaha 42 boşanma olub. 

Vasif