1a:T651,

Xarici mütəxəssislər tərəfindən aparılan elmi araşdırma insanların qərarvermə prosesində bədənlərində baş verən gizli bir reaksiyanı ortaya çıxarıb.

Sfera.az xəbər verir ki, aparılan bu tədqiqat göstərib ki, insanlar çətin və ya vacib bir qərar qarşısında qaldıqları zaman əllərinin temperaturu artır. Araşdırma nəticələri, insan beyninin qərar verməyə fokuslandığı anlarda bədənin də bu vəziyyətə fiziki olaraq uyğunlaşdığını göstərir.

Mütəxəssislər bildirirlər ki, bu istilik artımı adi stres reaksiyası olan “döyüş və ya qaç” refleksi ilə bağlı deyil. Əksinə, bu daha çox bədənin “hazır ol, düşün və qərar ver” rejiminə keçdiyini göstərir. Başqa sözlə, qərar vermək təkcə zehni deyil, həm də fiziki bir prosesdir.

Tədqiqatçılar bu mexanizmin marketinqdən tutmuş psixologiyaya qədər bir çox sahədə tətbiq oluna biləcəyini düşünürlər. Məsələn, gələcəkdə müştərinin qərar verməyə nə qədər yaxın olduğunu termal sensorlarla izləmək mümkün ola bilər.

Bu kəşf həmçinin intuisiya anlayışına da yeni baxış gətirir. Çünki insanların “içimdə elə bir hiss var idi ki…” kimi ifadələrinin bədənlərindəki fiziki dəyişikliklərlə bağlı olması istisna edilmir.

Fidan Hacızadə
Sfera.az

Qərar verərkən bu halla üz-üzə gəlirik - YENİ KƏŞF