Pensiyalarla bağlı VACİB XƏBƏR – Mərhələli olaraq…

Son illərdə ölkədə gənclər arasında pensiya sisteminə inam getdikcə azalır. Onlar gələcəkdə bu hüquqdan istifadə edə bilməcəyəklərini düşünür və sosial ödənişlərə maraq göstərmirlər. Əksəriyyət fərdi maliyyə planlamasına üstünlük verir. Bildirilir ki, bu meyl əmək bazarında qeyri-rəsmi məşğulluğun artmasına və pensiya fondlarına daxilolmaların azalmasına gətirib çıxaracaq.

Gənclərin pensiya sisteminə inamsızlığı hansı iqtisadi nəticələrə səbəb ola bilər?

Sfera.az xəbər verir ki, globalinfo.az-a danışan iqtisadçı Pərviz Heydərov deyib ki, gənclərin mövcud sığorta-pensiya sisteminə inamsızlığı təbiidir:

"Bu gün sosial ehtiyacların və tələblərin sayı çoxdur. Bunlar pensiya yaşı məsələsinə dair hər hansı bir kompensasiya və ya tədbirə maraq yaratmır. Nəticədə həm sahibkarlar, həm də vətəndaşlar üçün qeyri-leqal məşğulluğa geniş şərait yaranır. Sözügedən tendensiya məcburi dövlət sosial sığorta ödənişlərinin həcminə təsir göstərir. Könüllü sosial sığorta ödənişlərindən danışmırıq, çünki bu, hələ ki yoxdur".

Ekspert bildirib ki, çıxış yolu ölkədə sığorta-pensiya sistemini inkişaf etdirməkdir:

"Düşünürəm ki, maaşlar da mərhələli olaraq artırılmalıdır".