Xankəndi ilə bağlı 5,5 milyonluq tenderin vaxtı uzadıldı
"Azərişıq" ASC Xankəndi şəhəri ərazisində yerləşən mövcud “Xankəndi Şəhər” yarımstansiyasının əvəzinə yeni yarımstansiyanın tikintisi üçün elan etdiyi açıq tender üçün təkliflərin son təqdim olunma və zərflərin açılış tarixini uzadıb.
Sfera.az Teleqraf-a istinadən xəbər verir ki, şəhər ərazisində yerləşən mövcud “Xankəndi Şəhər” yarımstansiyasının əvəzinə yeni yarımstansiyanın tikintisi və 35 kV-luq iki dövrəli kabel xəttinin çəkilməsi (Yarımstansiya №2) ilə bağlı işlər üçün ehtimal olunan qiymət 5 milyon 598 min 280 manatdır.
Mayın 14-ü dərc edilən tender üçün təkliflərin son təqdim olunma və zərflərin açılış tarixi iyunun 19-u olub, lakin qurum bu tarixləri iyunun 27-nə qədər uzadıb. Təchizatçılar təkliflərini təqdim etmək üçün 1500 manat iştirak haqqı ödəməlidirlər.
