Bu proqrama keçid etməyin, təhlükə VAR- XƏBƏRDARLIQ

"Ucuz qiymətə "YouTube Premium" alan istifadəçilər diqqətli olmalıdır".

Sfera.az xəbər verir ki, bunu texnobloqqer Fərid Pərdəşünas deyib.

Onun sözlərinə görə, "YouTube Premium"u başqa ölkələr, xüsusilə "Türkiyə hesabları" ilə daha ucuz qiymətə alıb, Azərbaycanda bir hesabı bir neçə şəxsə təkrar satanlar var. Burada istifadəçiləri önəmli bir təhlükə gözləyir:

“Bu hesablar "Google Account"a bağlı olduğu üçün eyni hesablar müxtəlif cihazlara əlavə ediləndə, “Google” hesabı kimi smartfona düşür. Və hesabları ucuz qiymətə satanlar bir hesabı bir neçə adama satır. Nəticədə smartfonunuzda açıq olan hesab, başqa tanımadığınız adamla "ortaq hesab" kimi açılır. O tanımadığınız adam istədiyi anda "Google Find My Device" tətbiqinin köməyi ilə sizin cihazı formatlaya (0-laya) bilir. Nəinki formatlamaq, əgər həmin hesaba sinxronzasiya varsa, sizin məlumatlar oğurlana və izlənə bilərsiniz”. 

Mütəxəxsis nəzərə çatdırıb ki, hazırda zərərçəkən şəxslər var və smartfonda olan bütün məlumatlarını itiriblər:

"3-5 manat qabağa düşən zaman bütün məlumatlarınız itə bilər. Bu mənada maksimum diqqətli olmağa çağırış edirəm”.

Firuzə Əliyeva
Sfera.az