Yeni həftə yeni imkanlarla başlayır. Səma hərəkətləri sevgi, karyera, maliyyə və sağlamlıq sahələrində mühüm dəyişikliklərə işarə edir.

Sfera.az həftəlik qoroskopu təqdim edir:

Qoç

Saturnun bürcünüzdə hərəkəti sizi liderlik və məsuliyyət mövzusunda sınağa çəkir. İş həyatında yeni struktur qurmaq, mövqe dəyişikliyi və ciddi qərarlar ön plandadır. Maliyyə məsələlərində isə bəzi düzəlişlərə ehtiyac ola bilər.

Buğa

Yaradıcılığınız bu həftə yüksək səviyyədədir. Merkuri ilə Uranın qovuşması sayəsində ideyalarınızı reallaşdırmaq üçün əlverişli zamandasınız. Xüsusilə rəqəmsal sahələrdə uğur mümkündür. Həftə ortasında gözlənilməz pul axını yaşana bilər, lakin qəfil xərclərdən uzaq durmaq məsləhətdir.

Əkizlər

Həftənin əvvəlində daxili suallar ön plana çıxır. Həftə ortasından etibarən isə yeni layihələr və ideyalar formalaşacaq. Şənbə günü sosial çevrəniz və ya dost dəstəyi vasitəsilə maliyyə gəliri əldə edə bilərsiniz. Yuxu rejiminizə diqqət yetirin.

Xərçəng

Saturnun Qoç bürcünə keçidi karyerada daha ciddi və məsuliyyətli dövrün başlanğıcını göstərir. Rəsmi orqanlar və rəhbərlərlə münasibətlərdə diqqətli olmaq vacibdir. Maddi baxımdan sabit, lakin yavaş irəliləyən bir mərhələdəsiniz. Xərcləri nəzarətdə saxlamaq tövsiyə olunur.

Şir

Təhsil, media və xarici əlaqələrlə bağlı sahələrdə inkişaf gözlənilir. Cümə günündən sonra hüquqi məsələlərlə bağlı yeni mərhələyə keçid mümkündür. İnvestisiya qərarlarında daha praqmatik yanaşma vacibdir. Bel və onurğa ağrılarına qarşı tədbir görmək məsləhətdir.

Qız

Komanda işi, ortaq layihələr və məsləhətçilik fəaliyyətlərində irəliləyiş var. Təfərrüatlara həddən artıq fokuslanmaqdan çəkinin. Miras, birgə qazanc və investisiya mövzusunda yeni razılaşmalara açıq bir həftədir. Bağırsaq sistemi və dəri ilə bağlı həssaslığa diqqət yetirilməlidir.

Tərəzi

Saturnun əks bürcünüzə keçməsi ikitərəfli münasibətlər və əməkdaşlıqlarda ciddi sınaqların başlayacağını göstərir. Artıq həyatınıza uyğun olmayan insanlar uzaqlaşa bilər. Maddi baxımdan müstəqillik üçün addımlar atmaq zəruridir. Dəri və sümük sağlamlığına diqqət edin.

Əqrəb

İş rejiminizdə dəyişikliklər baş verə bilər. Yeni vəzifələr, komanda dəyişiklikləri və ya fərqli iş üsullarına keçid gündəmdə ola bilər. Sağlamlıqla bağlı xərclər arta bilər, maliyyə ehtiyat planı hazırlamaq önəmlidir. Əzələ, skelet sistemi və yuxu ritminə qarşı diqqətli olun.

Oxatan

Bu həftə eşq və yaradıcılıq enerjiniz yüksəlir. İlhamla yeni bir layihəyə başlaya bilərsiniz. Kiçik, lakin sevindirici bir qazanc və ya şanslı təklif sizi sevindirə bilər. Qızdırma və baş ağrılarına qarşı tədbir alın, artıq enerjini idmanla balanslaşdırın.

Oğlaq

Saturn ailə və ev sahəsində hərəkətə başlayır. Bu, iş-həyat balansınızı yenidən qurmaq üçün vacib bir dövrdür. Köçmək və ya evlə bağlı dəyişikliklər gündəmdə ola bilər. Ailə ilə ortaq maliyyə məsələləri üzərində düşünmək və uzunmüddətli planlar qurmaq tövsiyə olunur.

Dolça

Təhsil, ünsiyyət ilə bağlı işlərdə canlanma müşahidə olunur. Fikirlərinizi sərbəst şəkildə ifadə etməkdən çəkinməyin. Maliyyə baxımından qısa müddətli imkanlar artsa da, ehtiyatlı olmaq faydalı olar. Zehni gərginlik və yorğunluq hiss edə bilərsiniz, rəqəmsal fasilələr faydalı olacaq.

Balıq

Bu həftə maliyyə sabitliyə yönəlmək istəyi artır. Gəlir və xərclərinizi balanslamaq üçün planlaşdırma aparmalısınız. Yeni gəlir mənbələri ortaya çıxa bilər, lakin emosional qərarlarla alış-verişdən uzaq durmaq lazımdır. Boyun, boğaz və sinus nahiyələrində həssaslıq yarana bilər.

Fidan Hacızadə
Sfera.az

Tezliklə BU BÜRCLƏRİN bəxti gətirəcək – Pul, şans, möcüzələr!