Bakıda mənzillər nə üçün bahadır?

Ölkədə mənzil qiymətlərinin artımının səbəbləri müəyyənləşib.

Bu barədə Sfera.az-a Azərbaycan Qiymətləndiricilər Palatasından məlumat verilib.

Bildirilib ki, qiymət artımının səbəbləri barədə ekspertlər bir sıra amilləri önə çəkirlər. 

İlk növbədə, tikinti xərclərinin və materiallarının bahalaşması yeni mənzillərin maya dəyərini yüksəldir, bu da satış qiymətlərinə təsir edir. Eyni zamanda, manatın alıcılıq qabiliyyətinin sabitliyi və daşınmaz əmlaka yatırımın cəlbedici olması da əhalinin əmanətlərini mənzilə yönəltməsinə səbəb olur. Son illərdə bank əmanət faizlərinin aşağı olması fonunda və bəzi iqtisadi qeyri-müəyyənlik şəraitində mənzil almaq kapitalın qorunması və artırılması üçün əsas vasitələrdən birinə çevrilib.

Xüsusilə, köhnə binaların sökülüb yenilənməsi proqramı (məşhur “pilot layihələr”) gələcəkdə mənzilə tələbin daha da artacağı gözləntisini yaratdığı üçün bu da qiymətləri yüksəldən amil kimi qeyd olunur. İpoteka kreditləşməsinin davam etməsi və genişlənməsi də alıcılıq qabiliyyətini dəstəkləyərək bazara əlavə tələb gətirir.

Firuzə Əliyeva
Sfera.az