Abşeronda Heydər Əliyevlə bağlı silsilə tədbirlər keçirildi- FOTOLAR

Abşeron Rayon İcra Hakimiyyətinin təşkilatçılığı ilə Ümummilli Lider Heydər Əliyevin anadan olmasının 102-ci ildönümünə həsr olunan silsilə tədbirlər keçirilib.

Sfera.az xəbər verir ki, Abşeron Rayon İcra Hakimiyyətinin başçısı Abdin Fərzəliyev, YAP Abşeron Rayon Təşkilatının sədri, hüquq-mühafizə orqanlarının rəhbərləri, şəhid ailələri, Vətən Müharibəsi iştirakçıları, eləcə də idarə, təşkilat və müəssisə rəhbərləri, rayon ictimaiyyəti Ümummilli Liderin adını daşıyan parkda Ulu Öndər Heydər Əliyevin abidəsi önünə gül dəstələri düzüblər.

Ümummilli Lider Heydər Əliyevin anadan olmasının 102-ci ildönümü münasibətilə Abşeron RİH, YAP Abşeron rayon Təşkilatı və Bakı Mühəndislik Universitetinin birgə təşkilatçılığı ilə konfrans, Abşeron RİH və Abşeron Rayon Ağsaqqallar Şurasının birgə təşkilatçılığı ilə dəyirmi masa, Abşeron RİH və Azərbaycan Karate Federasiyasının birgə təşkilatçılığı ilə AKF-in vitse-prezidenti Füzuli Musayev tərəfindən “ustad dərsləri” və nümunəvi çıxışlardan ibarət idman bayramı, Abşeron RİH, Abşeron Rayon Mərkəzi Xəstəxanasının və Respublika Qan Bankının birgə təşkilatçılığı ilə qanvermə aksiyası (sağlamlıq göstəriciləri əvvəlcədən təyin olunan 117 nəfərdən qan ehtiyatı götürülüb), Abşeron RİH, Abşeron-Xızı Regional Təhsil İdarəsi və Abşeron Xızı - Regional Mədəniyyət İdarəsinin birgə təşkilatçılığı ilə “Ümummilli Lider Heydər Əliyev müstəqil Azərbaycan Konstitusiyasının müəllifidir” adlı orta ümumtəhsil məktəblilərinin konfransı keçirilib.