"Heydər Əliyevin gördüyü işləri dərk etdik" - Fazil Mustafa
"Azərbaycanda yeniləşən tarixi şəxslərdən biri də Heydər Əliyevdir".
Sfera.az xəbər verir ki, bunu Milli Məclisin deputatı Fazil Mustafa parlamentin “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusuna həsr olunan xüsusi iclasında çıxışı zamanı deyib.
“Yeniləşən insanlar az deyil. Geriləşmə görəndə Mirzə Fətəlini geri gətirib yeniləşdiririk. Yeniləşən insanlar arasında tarixi şəxsiyyətlərdən biri də Heydər Əliyevdir. Vaxtilə biz - Heydər Əliyevə müxalif olanlar vaxtilə gördüyü işləri artıq dərk etdik. Heydər Əliyev real tarixi düzgün oxuya bildiyi üçün xalqın xeyrinə gələn hər işığı gördü.
Vaxtilə biz xarici təsirlərin neytrallaşdırmağın yollarını axtaranda o, neft və başqa amillərlə buna nail olmağı bacardı. Tarix irəlilədikcə Heydər Əliyevin yeniləşməsinin şahidi olacağıq. Onun bu gün əldə olunan uğurların hamısında izi var",-millət vəkili bildirib.
Firuzə Əliyeva
Sfera.az
