Azərbaycanda hər 3 kişidən biri siqaret çəkir - Tədqiqat

Azərbaycanda yaşı 15-dən yuxarı olan hər 3 kişidən biri siqaret çəkir. 

Sfera.az Dövlət Statistika Komitəsinin tədqiqatına istinadən xəbər verir ki, 2024-cü ildə 15-dən yuxarı yaşda olan kişilərin 31,2 faizi siqaret çəkib.

Bu göstərici yaş qrupları üzrə kəskin fərqlənir. Belə ki, 15-19 yaş aralığında olanların cəmi 0,2 faizi siqaret çəkibsə, 20-44 yaş aralığında olan kişilərin 29,7 faizi, 45-64 yaş aralığında olan kişilərin 43,7 faizi, 65 və daha yuxarı yaşda olan kişlərin isə 33,3 faizi siqaret çəkib. 

Məlumatlar göstərir ki, kişilər əsasən 22-23 yaşdan sonra siqaret çəkməyə başlayır. Orta hesabla bir nəfər gündə 15-16 ədəd siqaret çəkib. 

Vasif