Alış-veriş qəbzini verməyən mağaza 1000 manat cərimələndi
15.8 manatlıq alış-verişin çekini müştəriyə verməkdən imtina edən mağazanın sahibi 1000 manat cərimə edilib.
Sfera.az xəbər verir ki, vergi müfəttişi mağazaya daxil olandan sonra alış zamanı ona kassa çeki təqdim olunmayıb.
Yalnız RKP deyilən və notebooka bağlanmış printerdən çap olunan xırda bir çek tərtib olunub və çekdə də 4.5 manat dəyərində “Nivea” əl kremi qeyd olunub.
Bundan sonra o, yenidən obyektə daxil olub, xidməti vəsiqəsini xanım satıcıya təqdim edib.
Satıcı ondan müdiriyyətin gözlənilməsini xahiş edib, gözləmə səlahiyyətləri olmamasına baxmayaraq, xanımın xahişini yerə salmayıb humanistlik göstərərək gözləyə biləcəyini bildirib.
Mağaza sahibi gəldikdən sonra kassanın fiskal yaddaşına baxış keçirərkən 4.50 manat dəyərində malın həqiqətən kassanın fiskal yaddaşına vurulmadığı bəlli olub.
Xamın da həmin vaxt etiraf edərək çeki kasssaya vurduğunu, lakin zibil qabına atdığını bildirib. 15.80 manat dəyərində olan çek isə kassaya mədaxil olunmayıb. Vergi qanunvericiliyinı görə çek kassaya mədaxil olunmalı, geri qaytarıldığı təqdirdə isə geri qaytarma çeki olmalıdır. O, çekin bərpa olunmasını təklif edib, qarşı tərəf isə həmin çeki bərpa etməyəcəyini bildirib.
Buna görə də Xəzər rayon Məhkəməsinin qərarı ilə mağaza sahibi barədə Azərbaycan Respublikasının İnzibati Xətalar Məcəlləsinin 602.4-cü maddəsində nəzərdə tutulan inzibati xətanı törətməkdə təqsirli bilinib və barəsində 1000 manat məbləğində cərimə növündə inzibati tənbeh tətbiq edilib. (Modern.az)
