Kommunal xidmətlərlə bağlı YENİLİK - Mayın 1-dən qüvəyə minir
Mayın 1-dən komunal xidmətlər üzrə vahid abunəçi kodu mexanizmi yaradılır. Bu o deməkdir ki, komunal xidmətlər artıq rəqəmsal formada idarə olunacaq. Artıq komunal xidmətlərlə bağlı vahid informasiya sisteminin yaradılması və aiddiyatı sistemlərin inteqrasiyası üzrə yol xəritəsi də təsdiqlənib.
Bəs yeniliklər nə vəd edir?
Sfera.az xəbər verir ki, artıq bir abunəçi kodu ilə bütün komunal xidmətləri ödəmək mümkün olacaq. Bunun üçün vahid informasiya sistemi yaradılır. Sistem abonentlərə komunal xidmətlərlə bağlı məlumatları vahid formadan əldə etməyə, ödənişləri daha rahat həyata keçirməyə imkan verəcək. Ən vacibi isə bu sistem vasitəsi ilə insanlar vahid portal üzərindən elektrik, qaz, su və istilik üzrə borclarını sərfiyyat göstəricilərini və tarifləri izləyə biləcəklər.
Qeyd edək ki, gələcəkdə elektrik, su, qaz və digər sayğaclar tam ağıllı sayğaclara çevrilə bilər. Vahid informasiya sistemi ilkin mərhələdə Bakı və böyük şəhərlərdə pilot layihə formasında tətbiq olunacaq. Milli.az
