TikTok müasir dövrün ən nəhəng rəqəmsal platformalarından birinə çevrilib və burada yalnız əyləncəli videolarla deyil, həm də ədəbi dəyərləri yaşadaraq izləyicilərin dünyagörüşünü, biliklərini zənginləşdirən məzmunlarla çox rastlaşırıq.

Sfera.az bildirir ki, məşhur aparıcılar, aktyorlar və qiraətçilər, bu platformada öz istedadlarını göstərməkdə yanaşı, həm də şeirlər, poeziyadan nümunələr vasitəsilə izləyicilərinə bənzərsiz bir ədəbi səyahət təqdim edirlər. Onlar təsirli və maraqlı ifadələr ilə şeirlərini təqdim edərək, izləyicilərini ədəbiyyatla tanış edir, onlara zövqlü məzmun və hüzurlu istirahət bəxş edirlər.

Bu dəfə TikTok-da öz şeirləri ilə izləyicilərini ədəbi dünyaya daldıran üç istedadlı qiraətçi ilə sizi tanış edirik:

@huseynliturana

Biz bu qiraətçini TikTok-un həzin və məlahətli səs sahibi hesab edə bilərik. Zərif görünüşü və incə səsi ilə izləyicilərini öz dünyasına cəlb edir. Onun seçdiyi şeirlər və zövqlü ifası sayəsində yaratdığı kontentlər çox sürətlə populyarlaşır və geniş auditoriya tərəfindən bəyənilir. Turanə həm klassik şairlərin, həm də müasir poeziyanın incilərini şeirə çevirməklə, izləyicilərinə ədəbi zənginlik təqdim edir. Turanənin ən çox sevilən məzmunlarından biri milli türk libasında Yunus Əmrə kimi böyük şairin dərin mənalı şeirini səsləndirməsidir. Türk filosofunun poeziyasını, həm azərbaycanlı, həm də türkiyəli izləyicilər məmnuniyyətlə qəbul ediblər və Turanənin ifasını hər zaman xüsusi bir məhəbbətlə qarşılayıblar.

"Poeziya dilində deyilir..." kimi ifadələr ilə başlanan videoları, onun müsbət mənada fərqləndirən digər xüsusiyyətdir. Bu sözlər, izləyiciləri sadəcə gözəl bir dinləyici təcrübəsi ilə deyil, həm də hər bir şeirə daha dərindən yanaşmağa dəvət edir. Onun səsi və şeirə olan xüsusi yanaşması, yalnız izləyicilərin rəğbəti ilə kifayətlənmir, eyni zamanda böyük bir ədəbi missiyanı yerinə yetirməsinə şərait yaradır.

@xezersuleymanli

Son illərin ən çox sevilən, dinlənilən qiraətəçilərindən olan Xəzər Süleymanlı səsləndirdiyi hər şeiri, sadəcə şeir kimi deyil, həm də duyğuların tərcüməsi olaraq ifa edir. Xəzər təkcə öz şeir ifası ilə deyil, həm də müasir dövrün tələblərinə uyğun olaraq ifa etdiyi mahnı-şeir duetləri ilə geniş auditoriyanın diqqətini cəlb edir və hər zaman uğurla qarşılanır. Xəzər Süleymanlı şeirlərində sevgi, övlad, dostluq, valideyn və s. kimi dərin mövzulardan istifadə edərək izləyicilərinə insanlıq və həyati dəyərləri təbliğ edir. Qiraətçinin hər ifası, təkcə şeir oxumaqla kifayətlənməyib, həm də sözlərin gücü ilə insanları ruhlandıran bir sənətə çevrilir. O, şeir və musiqinin sintezində fərqli bir üslub təqdim edərək, müasir dövrdə poeziyanın ən güclü səs sahiblərindən birinə çevrilib.

Xəzərin ifası yalnız ona aid bir tərzdədir – o, hər şeiri dinləyicilərə yalnız sözlər vasitəsilə deyil, həm də öz xüsusi səsi və ifa tərzi ilə təqdim edir. Bu, onun hər ifasında duyğuları daha güclü şəkildə hiss etdirməsini təmin edir. İfadə etdiyi hər kəlmə, sanki tamaşaçını başqa bir dünyaya aparır. Bu, xüsusilə onun şeirlərində mövzu seçiminin necə düzgün və emosional olduğunu nümayiş etdirir.

@kamranagabalaev

Yalnız aktyor, prodüser və aparıcı kimi tanınan bir sənətçi deyil, həm də gözəl şeir ifa edən, səs tembri və diksiyası ilə izləyicilərini valeh edən bir TikTok yaradıcısıdır. O, sənət aləmindəki çoxsaylı uğurları ilə həm gənc, həm də yaşlı auditoriya tərəfindən sevilir və izlənilir. Kamranın ən özəl xüsusiyyətlərindən biri, şeir ifasında göstərdiyi fərqlilikdir. Onun şeirləri sadəcə mətnin səsləndirilməsindən ibarət deyil, həm də dinləyicilərə dərindən təsir edən bir təcrübəyə çevrilir. O, ifası ilə həm ənənəvi Azərbaycan poeziyasını, həm də müasir dövrün şeir anlayışlarını uğurla birləşdirərək izləyicilərini zəngin bir poetik dünyaya dəvət edir. Şeirlərində adətən sevgi, insanlıq, həyat və daxili sülh kimi mövzulara toxunur. Bu şeirlər, onun sənətinin özəlliyini daha da artırır və dinləyicilərində güclü emosional təsir yaradır.

Qiraətçilərin fərdi üslubları və poetik ifadələrindəki yeniliklər, müasir dövrün dinamik mədəniyyətini və estetik tələblərini qarşılayaraq, izləyicilərinin qəlbini fəth etməkdədir. TikTok isə qiraətçilər üçün həm özünü ifadə etmə sahəsi, həm də geniş kütləyə çatmaq üçün unikal bir platformadır.

TikTok yaradıcıları - Onlar poeziyanı təbliğ edir