Vətəndaşlar maaşlarını istədikləri bankdan ala biləcəklər - YENİLİK

"Dünən Mərkəzi Bankın sədrinin 9 iqtisadçı ekspertlə ənənəvi görüşü keçirildi. Həmişəkindən bir qədər gərgin müzakirə oldu".

 

Sfera.az xəbər verir ki, bu sözləri maliyyə eksperti Əkrəm Həsənov sosial şəbəkə hesabında yazıb.

 

O qeyd edib ki, görüşdə 30-dan çox sual ətrafında konstrurktiv müzakirələr aparılıb:
 

"Pul siyasəti, manatın məzənnəsi, valyuta hərracları, kartlardan oğurlanan pullar və s. Mənim üçün çox xoş məqam oldu ki, Mərkəzi Bank təmərküzləşmənin qarşısını almaq üçün tədbirlər görür. Belə ki, məmurların maaşları və pensiyaların sırf iri banklar vasitəsilə ödənilməsinə son qoyulacaq.

Yəni vətəndaş özü istədiyi bank vasitəsilə maaşını və pensiyasını ala biləcək. İslam bankçılığı institutlarını da Mərkəzi Bank tədricən tətbiq etmək əzmindədir", - deyə Ə.Həsənov bildirib.