Avtomobillər niyə yanır? - FHN-dən AÇIQLAMA

Son üç ayda yüzdən çox avtomobil yanıb. Nəticədə 7 nəfər xəsarət alıb, 1 nəfər dünyasını dəyişib.

Fövqəladə Hallar Nazirliyinin Dövlət Yanğın Nəzarəti Xidmətindən bildirilib ki, nazirliyin qaynar xəttinə daxil olan məlumatların 108-i avtomobillərlə bağlı olub.

Sfera.az-ın  məlumatına görə, FHN-in Dövlət Yanğın Nəzarət Xidmətinin rəsmisi Cəmil Xudiyev bildirib ki, yanğınlara səbəb əsasən avtomobillərdəki texniki nasazlıqlar olur. Bu səbəbdən də avtomobillərin texniki sazlığı daim nəzarətdə saxlanılmalı, izolyasiyası pozulmuş naqillər yeniləri ilə əvəz olunmalı, avtomobildə istehsalçı normalarını pozan dəyişikliklər edilməməli və yanğına səbəb ola biləcək digər hallara yol verilməməlidir. 

Nazirlikdən o da bildirilib ki, avtomobildə alışma və ya yanğınla bağlı hər hansı əlamət hiss edərkən dərhal onu dayandırmalı və mühərrik söndürülməlidir.

“Hadisə barədə "112" qaynar telefon xəttinə məlumat verin və əgər yanğın kiçikdirsə, ilkin odsöndürücü vasitələrlə yanğını söndürməyə çalışın. Yanğın güclüdürsə, buna cəhd etməyin və təhlükəsiz məsafəyə çəkilin”, deyə nazirlikdən bildirilib.   

Xezerxeber.az mövzu ilə bağlı daha ətraflı videomaterialı təqdim edir.