Numerologiyaya görə, doğum gününüz ruhunuzun bu həyata seçdiyi enerji qapısıdır. Hər gün özündə bir xarakter, missiya və mesaj daşıyır. Bəs sizinkisi nə deyir?

Sfera.az doğum gününüzə uyğun numerologiyanı təqdim edir:

Ayın 1, 10 ,19, 28-də doğulanlar

Bu tarixlərdə doğulanlar lider ruhu ilə seçilirlər. Onlar təbii bir cazibəyə sahibdir və izdiham içində belə fərqlənirlər. Bəzən tək qalsalar da, bu tənhalıq onların yüksəliş mərhələsidir. Günəş kimi doğaraq ətrafı işıqlandıran bu insanlar istər-istəməz diqqət mərkəzində olurlar. İnsanlar onlara instinktiv olaraq güvənir və bu güvən onlara məsuliyyət yükləyir. Əsas gücləri ilham vermək və rəhbərlik etməkdir. Əgər öz güclərini anlamazlarsa, həyat onlara bunu xatırladacaq şəxslərlə qarşılaşdıracaq.

Ayın 2, 11, 20, 29-da doğulanlar

Bu tarixlərdə doğulanlar ilahi qadın enerjisini daşıyır. Onlar mərhəmətləri, dərin intuitiv duyğuları və diplomatik qabiliyyətləri ilə ətraflarını dəyişdirirlər. Onların varlığı insanlara şəfa verir. Lakin unutmamalıdırlar ki, hər kəsin duyğusal yükünü daşımaq onların vəzifəsi deyil. Onlar bu dünyaya sevginin və birliyin tezliyini xatırlatmaq üçün gəliblər. Balans onların əsas açarıdır. Onlar insanları bir araya gətirmək, ürəkləri birləşdirmək kimi böyük bir missiyaya sahibdir. Ancaq öz içlərindəki sevgini görə bilənlər onların əsl parıltısını anlaya bilər.

Ayın 3, 12, 21, 30-da doğulanlar

Bu tarixlərdə doğulanlar yaradıcı ruhları və çoxsəsli enerjiləri ilə tanınırlar. Onlar sözlərlə, sənətlə, yumorla və ünsiyyətlə insanlara ilham vermək üçün bu dünyaya gəliblər. Onların missiyası ifadə etməkdir. Yazmaq, danışmaq, rəqs etmək, musiqi yaratmaq bütün bu yollarla onlar öz daxili dünyalarını kainata çatdırmalıdırlar. Əks halda, zehni gərginliklər və hətta fiziki problemlərlə qarşılaşa bilərlər. Onlar üçün münasibət, ailə və sosial çevrə ruhlarını qidalandıran vacib amillərdir. İçlərindəki sənətkar görünmək yox, başa düşülmək istəyir. Sözləriniz kainatın musiqisinə çevrilə bilər sadəcə danışmağa və yaratmağa davam edin.

Ayın 4, 13, 22, 31-də doğulanlar

Bu tarixlərdə doğulan insanlar sabitlik, struktur və möhkəmlik enerjisi daşıyırlar. Onlar həyatın təməl daşlarıdır. Səbirli, məsuliyyətli və planlı olmaları ilə ətraflarına güvən verirlər. Onların varlığı insanlara özlərini tamam hiss etdirməyə qadirdir. Bu şəxslər ailəvi karmaları tamamlayaraq, sabit və isti bir ev enerjisi yaratmağa vəsilə olurlar. Onların yanında olmaq istəməyənlər ya onların gücündən qorxur, ya da onlarla ayaqlaşa bilmir. Sizin əsas gücünüz sabitlik və möhkəm təməllər üzərində gələcəyi inşa etməkdir. İlahi sistem sizin üzərinizdən nizam qurur.

Ayın 5, 14, 23-də doğulanlar

Bu tarixlərdə doğulanlar yeniliyə, dəyişikliklərə və sərbəstliyə susamış ruhlardır. Onlar üçün rutin həyat deyil, macəra, kəşf və fərqli təcrübələr əsasdır. Siz dünyaya dəyişiklik toxumları əkmək, öyrənmək və bildiklərinizi bölüşmək üçün gəlmisiniz. Ruhunuz hər dəfə yeniliklərlə qarşılaşanda daha da parlayır. Lakin bu dinamik həyat tərzi bəzən narazılıq və ya daxili boşluğun əlaməti ola bilər. Əsl güc öz içinə dönmək, dayanmaq və yaşananları mənalandırmaqdır. Çünki ən dərin səyahət daxilə ediləndir.

Ayın 6 15, 24-də doğulanlar

Bu tarixlərdə doğulanlar təbii şəfa enerjisi daşıyırlar. Onlar sevgi, sədaqət, gözəllik və harmoniya ilə ətraflarını işıqlandırırlar. İnsanlar onların enerjisinə çəkilir, ruhən güclənirlər. Ancaq bu güc bəzən qısqanclıq və ya qaranlıq niyyətli insanlar tərəfindən bastırılmağa çalışıla bilər. Sizin vəzifəniz içinizdəki işığı qorumaq və onu yaşamaqdır.

Ayın 7, 16, 25-də doğulanlar

Siz bu dünyaya gözünüzə göründüyündən daha çox baxan gözlərlə doğulmusunuz. Sənin susqunluğunda hikmət, tənhalığında isə kainatın sirləri var. Tədqiq edirsən, soruşursan, daha da dərinləşirsən. "Niyə?" sualı sənin həyatındadır. Sual heç vaxt bitmir. Meditasiya, geri çəkilmə, təbiət, ruhani təlimlər, mənəvi mövzular sizi qidalandırır və missiyanıza yaxınlaşdırır. Ancaq sizi bu yoldan döndərməyə çalışacaq insanlar və şərait həmişə olacaq. Heç vaxt sizi ruhdan salan şeylərin arxasınca getməməlisiniz.

Ayın 8, 17, 26-da doğulanlar

Bu həyatda toxunduğunuz hər şey xeyir-dua alacaq və uğur qazanacaqsınız. Siz islahat yaradan, yanlışı məhv edən, dəyişdirən, səxavətli, ədalətli, geniş dünyagörüşlü, etibarlı bir insansınız. Sizin taleyiniz avtoritet və idarəçi olmaqdır. Siz öz izinizi buraxırsınız, keyfiyyətli həyatdan həzz alırsınız və başqalarının bacara bilməyəcəyi şeylərə nail olursunuz. Xəyallarınıza doğru atdığınız hər addımda bolluq və gözəllik əldə edəcəksiniz. Siz bu dünyaya təkcə özünüz üçün deyil, bir çox ruhları yüksəltmək üçün doğulmusunuz.

Ayın 9, 18, 27-də doğulanlar

Başqalarından daha çox və daha dərin təcrübələrə sahib ola bilərsiniz. Çünki əvvəlcə öyrənməli və öyrəndiklərinizi daxilə çevirərək yol göstərməlisiniz. İstənilən şəraitdə və situasiyada yolunuza necə davam edəcəyinizi bilirsiniz. Özünüzə qulluq etməyi çox yaxşı bacarırsınız. Siz ilhamlı, bədii, intuitiv və ruhanisiniz. Sizin də dərin mənəviyyatınız var. Xəyallarınız və həyat əlamətləri həmişə sizə rəhbərlik edir. Fövqəltəbii hadisələrlə qarşılaşa bilərsiniz.

Fidan Hacızadə

Doğum gününüz həyatınızı şəkilləndirir - Rəqəmlərin SİRRİ