"Son vaxtlar bu xəstəxanalarda pozuntulara şahid oluruq"
"Son illərdə Sumqayıt Tibb Mərkəzi, Gəncə birləşmiş xəstəxanası və Kliniki Tibbi Mərkəzdə aparılan uygunluq auditi nəticəsində bir birini təkrarlayan mahiyyətcə eynilik təşkil edən pozuntuların şahidi oluruq".
Sfera.az xəbər verir ki, bunu Milli Məclisin bu gün keçirilən iclasında deputat Müşfiq Məmmədli deyib.
Onun sözlərinə görə, bu pozuntulara çarpayı sayının eyni qalması və yaxud azalması fonunda ştat sayının kəskin artımı(10-15%) aiddir.
"Ştat vahidlərində qeyri tibb personalının 35%-dən yuxarı həddə çatması, ştat cәdvәlinin vahid tarif-ixtisas kitabçasına uyğun olmaması nәzәrdә tutulmayan vәzifәlәrin müәyyәn edilmәsi ilә dövlәt vәsaitinә әlavә tәlәbat yaradılması, PHŞ-lərdə qarışıq və natamam iqtisadi idarəetmənin olması səbəbindən əsassız ödənişlərin olması, müəssisələrdə iqtisadi hesabatlılıgın gecikməsi səbəbindən əsas gəlir gətirən həkimlərə həvəsləndici əlavələrin 3-4 ay gecikməsi, dövlәt әmlakının uçotu vә istifadәsinin düzgün tәşkil edilmәmәsi bir sıra hallarda aktivlәrin әksik vә ya artıq gәlmәsi dövlәt әmlakının sәmәrәli vә funksional fәaliyyәtә uyğun idarә olunmaması pozuntuya şamil edilir".
Deputat qeyd edib ki, burada dövlət əmlakının icarəyə və ya autsorsinqə verilməsinə diqqət ayrılmalıdır.
M.Məmmədli nəzərə çatdırıb ki, bəzi hallarda dövlət əmlakının icarəyə verilməsi zamanı dövlət-özəl tərəfdaşlıgı haqqında qanuna istinad edilsə də, dövlət-özəl tərəfdaşlıgı layihələri 30 mln AZN-dən yuxarı müqavilələr ücün nəzərdə tutulmuşdur:
"Dövlət tibb müəssisələrinin ərazisi və əmlakının icarəyə verilməsi Azərbaycan qanunvericiliyində nəzərdə tutulmamışdır. İcbari tibbi sıgorta vəsaitləridən dövlət tibb müəssisələrində və ya özəl müəssisələrdə istifadə zamanı iqtisadi cəhətdən əsaslandırılan və rəqabət məcəlləsinin müddəaları nəzərə alınan metodlardan istifadə olunmalıdır".
Firuzə Əliyeva
