Axşam bunu etsəniz, yuxusuz qalacaqsınız - XƏBƏRDARLIQ

Norveçdə aparılan genişmiqyaslı elmi araşdırma, yatmazdan əvvəl ekran qarşısında vaxt keçirməyin yuxu keyfiyyətinə ciddi mənfi təsir göstərdiyini ortaya çıxarıb.

Sfera.az xəbər verir ki, 18-28 yaş arası 45 200-dən çox tələbənin iştirak etdiyi tədqiqatda ekran istifadəsi ilə yuxu rejimi arasındakı əlaqə təhlil olunub.

İştirakçılardan yatmazdan əvvəl film izləmək, sosial şəbəkələrdən istifadə, internetdə gəzmək və oyun oynamaq kimi ekran əsaslı fəaliyyətlərlə bağlı məlumat toplanıb. Nəticələr göstərib ki, yataqda ekran qarşısında daha çox vaxt keçirən şəxslərdə yuxusuzluq və yuxu itkisi riski əhəmiyyətli dərəcədə yüksəkdir.

Tədqiqatçılar bildiriblər ki, yataqda ekran qarşısında keçən hər əlavə saat, yuxusuzluq riskini 59 faiz artırır və orta hesabla 24 dəqiqə daha az yuxu ilə nəticələnir.

Mütəxəssislər sağlam yuxu üçün yatmazdan ən azı 30-60 dəqiqə əvvəl ekranlardan uzaq durmağı tövsiyə edirlər.

Fidan Hacızadə