Buraxılış imtahanlarının nəticələri bu tarixdə açıqlanacaq

Martın 2-də keçirilmiş buraxılış imtahanlarının cavablarının bu həftənin sonuna elan olunacağı gözlənilir.

Sfera.az xəbər verir ki, bu barədə Dövlət İmtahan Mərkəzinin Aparat rəhbəri Vəfadar Misirov deyib.

O bildirib ki, martın 9-da təşkil olunmuş imtahanın cavabı isə prosesə uyğun olaraq 6 həftədən sonra məlum olacaq.

Qeyd edək ki, martın 2-də Dövlət İmtahan Mərkəzi (DİM) tam (11 illik) orta təhsil səviyyəsi üzrə buraxılış imtahanı keçirib. Martın 3-dən etibarən DİM-də imtahan protokolları və cavab vərəqlərinin emalına başlanılıb.