İsa peyğəmbərin dəfn olunduğu bağ tapıldı

İtaliyanın “Sapienza” Universitetindən bir qrup arxeoloq Qüdsdə araşdırma apararaq İsa peyğəmbərin dəfn olunduğu bağı aşkara çıxarıblar.

Sfera.az bildirir ki, qazıntılar zamanı aşkarlanan 2 min illik zeytun və üzüm fosilləri, İncildə bəhs edilən bağın gerçək olduğunu sübut edib. Xatırladaq ki, Yuhanna İncilinin 19:41 ayəsinə görə, İsa Məsih çarmıxa çəkildikdən sonra Golgota yaxınlığında, bir bağdakı məzara qoyulub. İtalyan arxeoloqların tapdığı fosillər, məhz bu bağın yerini göstərə biləcək ilk elmi dəlil kimi qiymətləndirilib.

İslam inancına görə İsa öldürülməyib, Allah tərəfindən göyə yüksəldilib. Lakin xristian dünyasında onun çarmıxa çəkildiyi, öldüyü və həmin bağda dəfn edildiyi inancı geniş yayılıb.Tapıntılar həm dini, həm də elmi çevrələrdə böyük maraq və müzakirələrə səbəb olub. Arxeoloji qazıntıların davam etdiriləcəyi bildirilib.

Fidan Hacızadə