Halal-haramı öyrədirdi - Arvadını öldürən molla ilə bağlıYENİ DETALLAR
Xaçmazda 45 yaşlı Yaqut Məmmədovanın boğularaq öldürülməsinin detalları məlum olub.
Sfera.az xəbər verir ki, qətldə onun əri, Xaspoladoba kəndində molla kimi fəaliyyət göstərən 1977-ci il təvəllüdlü Asəf Məmmədov şübhəli bilinir.
Yaxınlarının sözlərinə görə, cütlük qohumlarının evində baş tutan məclisdə iştirak edib.
Ər-arvad arasındakı mübahisənin orada başladığı, daha sonra öz evlərində davam etdiyi bildirilir. Məlumata görə, qətl hadisəsi onların öz evlərində baş verib.
Qonşularının sözlərinə görə, onların hər ikisi ibadətlə məşğul olub. Qətli törətməkdə şübhəli bilinən A.Məmmədov kənddə dini dərslər də tədris edib:
“Dindar, halal-haramı öyrədən insan idi. Dini dərslər öyrədirdi. Hamıya şok yaşatdı, özü də çıxıb getdi”.
Faktla bağlı Xaçmaz Rayon Prokurorluğunda araşdırmalar aparılır.
Ətraflı “Xəzər Xəbər”in videomaterialında:
