2025-2030-cü illərdə nələr baş verəcək? - Uzaqgörənlərin proqnozları
Gələcəyə dair proqnozlar insanları həmişə maraqlandırıb. Müxtəlif kahinlər və uzaqgörənlər, bəzən çox qəribə və mürəkkəb şəkildə gələcəkdə baş verə biləcək hadisələri təxmin ediblər. Bu günə qədər bəzi proqnozlar özünü doğruldub və cəmiyyətdə böyük maraq doğurub.
Bəs qarşıdakı beş il üçün uzaqgörənlər hansı dəyişiklikləri, hadisələri proqnozlaşdırıb?
Sfera.az xəbər verir ki, 2025-2030-cu illərlə bağlı bir sıra tanınmış uzaqgörənin proqnozları mövcuddur.
Onlardan birincisi, məşhur Baba Vanqadır. Baba Vanqa, Bolqarıstanın tanınmış uzaqgörənidir və çoxsaylı proqnozları ilə tanınır. Onun gələcəyə dair verdiyi təxminlərdən bəziləri zamanla reallaşıb. Vanqa 2025-ci il üçün bəzi vacib hadisələri proqnozlaşdırıb. Onun əsas proqnozlarından biri, Avropada böyük münaqişələrin baş verəcəyi və bunun nəticəsində qitə əhalisinin sayının azalacağı ilə bağlıdır. Bu proqnozlar xüsusilə dünya miqyasında artan geosiyasi gərginlikləri və münaqişələri nəzərə alaraq maraq doğurub. Vanqa həmçinin, 2030-cu ildən sonra insanın bioloji təkamülündə irəliləyişlər olacağı və yeni texnologiyaların insan həyatını köklü şəkildə dəyişdirəcəyi barədə də təxminlər edib.
XVI əsrin məşhur Fransız kahini Nostradamusun da gələcəyə dair çox sayda proqnozu mövcuddur. Onun 2025-2030-cu illərlə bağlı olan proqnozları arasında bir sıra müharibələr, təbii fəlakətlər və siyasi dəyişikliklərə dair gözləntilər var. Nostradamus, xüsusilə, 2025-ci ildə böyük qlobal müharibələrin başlanacağı və bunun dünya nizamını dəyişdirəcəyini söyləyib. Bu təxmin, son illərdə dünya miqyasında artan geosiyasi gərginliklər və regional münaqişələrin fonunda aktuallaşır. Eyni zamanda, Nostradamus, təbii fəlakətlərin və bəşəriyyətin qarşılaşacağı böyük çətinliklərin də gündəmə gələcəyini bildirib.
Ən çox maraq doğuran proqnozlardan biri də məşhur animasiya serialı “Simpsonlar”ın gələcəyə dair təxminləridir. Uzun illərdir ki, “Simpsonlar”ın bəzi bölümlərində təqdim olunan proqnozlar reallaşıb. Məsələn, 2025-ci ildə elektrik enerjisinin qlobal şəkildə kəsilməsi və enerji çatışmazlığı problemləri yaranacağı barədə verilən proqnozlardan biri artıq gerçəkləşib. İlk üç ayda bir neçə ölkədə elektrik enerjisi kəsilib və bu, bir çox ekspertin diqqətini çəkib.
Eyni zamanda, “Simpsonlar”ın 2025-ci il üçün dolların dəyərini itirəcəyi və bunun nəticəsində insanların virtual valyutalara daha çox üz tutacağı proqnozu verilib. Bu, kriptovalyutaların və digər rəqəmsal ödəniş sistemlərinin artan populyarlığı ilə əlaqələndirilib.
Türk dünyasının tanınmış uzagörənlərindən biri olan Zirəddin, gələcəkdəki inkişafları öz xüsusi təfəkkürü ilə təxmin edir. 2025-2030-cu illərlə bağlı verdiyi proqnozlardan biri, qlobal iqlim dəyişikliyinin və bunun insan həyatına təsirinin daha da dərinləşəcəyidir. Zirəddin, ekoloji fəlakətlərin və təbii ehtiyatların azalmalarının insanların həyatını daha çətinləşdirəcəyini söyləyib. Bu proqnozlar, xüsusilə, qlobal istiləşmə və iqlim dəyişikliyinin baş verməsi ilə özünü təsdiqləyir.
Qeyd edək ki, gələcəyə dair proqnozlar hər zaman müəyyən bir qeyri-müəyyənlik daşıyır. Bu cür təxminlər, müxtəlif şəxsiyyətlərin fərdi hissləri, müşahidələri və dünya hadisələrini təhlil etmə bacarığına əsaslanır. Lakin, proqnozların doğruluğu barədə bir yekun fikir söyləmək çətindir. Baba Vanqa, Nostradamus, Zirəddin və “Simpsonlar”ın verdikləri proqnozlar, ümumiyyətlə, əyləncə və maraq üçün təqdim edilən təxminlər olaraq qəbul edilir. Bununla belə, bəziləri özündə böyük maraq və inam doğurur, çünki müəyyən hadisələr zamanla gerçəkləşmişdir.
Bəsti Rəfizadə
