Arzu Rzayevə vəzifə verilib? - AÇIQLAMA

19:35

Azərbaycan Dövlət Akademik Musiqili Teatrına yeni direktor müavini təyin olunub.

Mədəniyyət Nazirliyindən Sfera.az-a verilən məlumata görə, mədəniyyət naziri Adil Kərimli bununla bağlı əmr imzalayıb.

Əmrə əsasən, Arzu Asif oğlu Rzayev sözügedən vəzifəyə təyin olunub.

***

Mən Azərbaycan Dövlət Akademik Musiqili Teatrına direktor müavini təyin olunmamışam. Mənim adım məşhur olduğuna görə, belə xəbərlər yayılır.

Bunu Teleqraf-a açıqlamasında müğənni Arzu Rzayev deyib.

"Teatra direktor müavini təyin edilən Arzu Rzayev Asif oğludur, mən isə Ələkbər oğluyam. Həmin şəxsi isə tanımıram", - müğənni bildirib.