Əhmədə qarşı daha bir İTTİHAM – FOTO

Rusiyada rüşvət verdiyi üçün saxlanılan bloger Əhməd Venqalbi dələduzluq maddəsi ilə yeni cinayətdə itiham olunur. 

 

Sfera.az “Mash” teleqram kanalına istinadən xəbər verir ki, Venqalbi tərəfindən təşkil edilən pullu müsabiqənin iştirakçılarından biri şikayət ərizəsi yazaraq onu saxtakarlıqda ittiham edib.

Yeddi ay əvvəl zərərçəkmiş Venqalbiyə müsabiqədə iştirak etmək üçün 330 min rubl göndərib. Bloger ödənişli müsabiqədə “Mercedes E63 AMG”, on ədəd “iPhone” və beş “Sony PlayStation 5” hədiyyə edəcəyini vəd etmişdi. Ancaq yarış iki ay təxirə salınıb və nəticələr blogerin ikinci kanalında yayımlanıb. Ehtimal olunur ki, bu, abunəçiləri cəlb etmək üçün edilib.

Şikayətçinin sözlərinə görə, yalnız iki “iPhone” və bir avtomobil uduşda təqdim edilib.

Eyni zamanda, smartfon alanların hesablarına keçid etmək mümkün deyil. Məlumata görə, avtomobili bir məktəbli götürüb və alqı-satqı müqaviləsini və digər sənədlər göstərilməyib, yalnız maşını təhvil verərkən video çəkməklə kifayətləniblər.

Bundan sonra, gecə saatlarında canlı yayımda bir neçə nəfər hər biri min rubl alıb və yarışma bitib.

Nəticədə zərərçəkmiş polisə müraciət edərək Venqalbi və digər təşkilatçılara qarşı şikayət ərizəsi yazıb.

Qeyd edək ki, Əhməd Venqalbi Moskvanın Kutuzovski prospektində yol polisi əməkdaşına 100 min rubl məbləğində rüşvət verməyə cəhd etdiyi üçün saxlanılmışdı.