"Apple" süni intellekt əsaslı saat hazırlayır
"Apple" şirkəti kameralı və süni intellektə malik ağıllı saatlar hazırlayır.
Sfera.az xəbər verir ki, bu barədə "Bloomberg" məlumat yayıb.
"Bloomberg"in jurnalisti Mark Qurmanın sözlərinə görə, bu texnologiya obyektləri tanımaq və ətraf mühiti təhlil etmək üçün kameradan istifadə edir. Bu da cihaza istifadəçinin ətrafındakı dünyanı “görməyə” və süni intellektə əsaslanan anlayışlar təqdim etməyə imkan verir.
Məlumata görə, kameralar iki "Apple Watch" variantında görünəcək. Series modellərində kamera iPhone-un ön kamerasına bənzər şəkildə ekrana quraşdırılacaq. Ultra modellərində o, cihazın yan panelində olacaq.
Hələ dəqiq bir başlanğıc tarixi təyin edilməyib. Qurman bu ağıllı saatların bazara çıxmasına qədər layihənin xeyli vaxt aparacağını qeyd edib.
Firuzə Əliyeva
