Heydər Əliyev Fondu Azər Rəşidoğlunun müalicə xərclərini üzərinə götürdü

Heydər Əliyev Fondu jurnalist Azər Rəşidoğlunun müalicə xərclərini üzərinə götürüb.

Sfera.az xəbər verir ki, bu barədə jurnalist sosial media hesabında yazıb:

“Bilirəm ki, səhhətimlə bağlı narahatsınız. Sizə şad xəbərim var. Dostlarımız cənab Prezidentə, Birinci Vitse-prezidentə və Heydər Əliyev Fonduna yardım xahişi ilə müraciət etdilər. İnanırdım ki, müsbət reaksiya olacaq, ancaq bu qədər tez reaksiyanın olacağını ağlıma gətirə bilməzdim. Bu gün Heydər Əliyev Fondundan dəfələrlə zəng oldu və ən yaxın günlərdə Türkiyəyə müalicəyə aparacaqlarını və sona qədər yanımda olacaqlarını dedilər. Hətta sənədlə bağlı kiçik problem yaranmışdı, anındaca həll etdilər. Fondun təmsilçisi mən sağalana qədər dövlətin məni yalnız buraxmayacağını və məsələnin cənab Prezidentin şəxsi nəzarətində olduğunu dedi. Cənab Prezident İlham Əliyevə, Birinci xanım Mehriban Əliyevaya və Heydər Əliyev Fonduna təşəkkür edirəm. Dövlət məni ağır xəstəliklə savaşda tək buraxmadı. Allah Azərbaycanımızı qorusun!”