Qızlar üçün İlaxır çərşənbə FALLARI

Qızlar üçün İlaxır çərşənbə FALLARI

Bu gün İlaxır çərşənbədir. Torpaq çərşənbəsi Novruzun dörd əsas çərşənbəsindən biridir və torpağın oyanmasını, məhsuldarlığı və yeni həyatın başlanmasını simvolizə edir. Digər çərşənbələrdən fərqli olaraq bu gün bir çox maraqlı adətlər və fallar yerinə yetirilir. Novruz falı gələcək haqqında xəbər verən və insanların ürəklərində olan suallara cavab axtardıqları bir ənənə kimi formalaşıb.

Sfera.az həmin adət-ənənələri və inancları təqdim edir:

Qapı falı

Qapı pusmaq üçün bir nəfər qonşuların və ya tanışların qapısının arxasına gedib, evdən gələn ilk sözləri dinləyir. Eşidilən ilk sözlər fal baxan şəxsə cavab kimi yozulur. Məsələn, əgər evdən xoş, müsbət mənalı bir söz eşidilərsə, arzuların gerçəkləşəcəyi düşünülür.

Ayaqqabı falı

Bu fal, əsasən ərə getmək istəyən qızlar tərəfindən edilir. Qız çiyni üzərindən ayaqqabısını evin qapısına tərəf atır. Ayaqqabının burnu həyətə və ya çıxışa tərəf düşərsə, bu, həmin ilin onun üçün xeyirli olacağı və ailə quracağı anlamına gəlir. Əgər ayaqqabının burnu evin içərisinə tərəfdirsə, bu, həmin il ərzində hələ ki qismətin açılmayacağına işarədir.

Duzlu kökə falı

Bu fal xüsusilə evlənmək istəyən gənclər arasında məşhurdur. Duzlu kökəni yeyən şəxs su içmədən yatmalıdır. Yuxusunda kim ona su verərsə, həmin şəxsin onun gələcək həyat yoldaşı olacağına inanılır.

Üzük falı

Bunu daha çox gənc qızlar edirlər. Kiminsə qızıl nişan üzüyü götürülür və ona fala baxmaq istəyən qız saç telini bağlayır. Bir stəkan suyun üzərində üzüyün neçə dəfə fırlanıb dayandığı sayılır. İnanca görə, üzük neçə dəfə fırlanarsa, həmin şəxs o yaşda ərə gedəcək.

Kölgə falı

Bu fal üçün Novruz axşamı kağız yandırılır və divara düşən kölgəsinə baxaraq müxtəlif fiqurların forması yozulur. Məsələn, at fiquru görünsə, səfər, ev və ya insan fiquru görünsə, yeni biri ilə tanışlıq olacağı düşünülür.

Güzgü falı

Bayram gecəsi bir otağa girib güzgü və şam yandırılır, aynaya baxılaraq gələcək həyat yoldaşının simasının görünəcəyi inanılır.

Suya baxmaq falı

Bir kasaya su doldurulur və bir neçə damcı əridilmiş şam damızdırılır. Suya tökülən şamın yaratdığı formalar hərflərə bənzədilir. Həmin hərf falına baxılan şəxsin qismətindəki adamın adının baş hərfidir.

Qeyd edək ki, bu falların hər biri Novruz bayramının mistik və maraqlı adətlərindən biridir və illərdir ki, insanlar bu adətlərə inanaraq müxtəlif arzular edirlər. (metbuat.az)


OXŞAR XƏBƏRLƏR

Azərbaycanda 12 günlük tətil başlayır

Azərbaycanda bu gündən etibarən ardıcıl 12 günlük qeyri-iş günü olacaq.   Sfera.az xəbər verir ki, 20, 21, 22, 23, 24 mart tarixləri Novruz bayramı i...

22 il monastırda özünü rahibə kimi göstərərək yaşayıb - SƏBƏB

İyirmi ildən çox Dominikan monastırlarında "Marqarita bacı" kimi yaşayan Frank Tavaresin bənzərsiz hekayəsi ictimaiyyəti şoka salıb, kitablar və sənəd...

Daxılların adətən donuz formasında dizayn edilməsinin təəccüblü səbəbi - FOTO

Daxıllar insanlara pul qənaət etmək vərdişini inkişaf etdirməyə kömək etmək üçün ən çox istifadə edilən obyektlərdən biridir.   Bəs heç düşünmüsünüz...

Boşanma zamanı ev işi üçün 6800 dollar tələb edib: Məhkəmə 5 dəfə çox təzminat verdi

Bu yaxınlarda Çinin mərkəzindəki Zhongyuan Rayon Məhkəməsi boşanma zamanı ev işlərini gördüyünə görə qadına təqribən 35 min dollar təzminat təyin etmə qərarı çı...

Kommunal xidmətlərlə bağlı yenilik

Kommunal xidmətlərlə bağlı Vahid İnformasiya Sisteminin yaradılması və aidiyyəti sistemlərin inteqrasiyası üzrə 2025-ci il üçün Yol Xəritəsi Azərbaycan Respubli...

Azərbaycanda Novruz bayramıdır

Azərbaycanda bu gün Novruz bayramı qeyd edilir.   Sfera.az-ın məlumatına görə, Novruz yazın gəlişinin simvolu olan qədim xalq bayramıdır, mənası &ldq...