Xaricə səfər edən azərbaycanlıların sayı azalıb


Xaricə səfər edən azərbaycanlıların sayı azalıb

2025-ci ilin yanvar-fevral aylarında Azərbaycana dünyanın 162 ölkəsindən 338,6 min və ya əvvəlki ilin müvafiq dövrü ilə müqayisədə 0,7 faiz az əcnəbi və vətəndaşlığı olmayan şəxs gəlib.

 

Sfera.az xəbər verir ki, bu barədə Dövlət Statistika Komitəsi (DSK) məlumat yayıb.

 

Bildirilib ki, gələnlərin 23,4 faizi Rusiya Federasiyası, 18,6 faizi Türkiyə, 9,9 faizi Hindistan, 9,3 faizi İran, 5,0 faizi Gürcüstan, 3,3 faizi Qazaxıstan, 3,2 faizi Pakistan, hər birindən 2,9 faiz olmaqla Birləşmiş Ərəb Əmirlikləri və Səudiyyə Ərəbistanı, 1,8 faizi Küveyt, 1,7 faizi Özbəkistan, 1,6 faizi Çin, hər birindən 1,4 faiz olmaqla Türkmənistan və Ukrayna, 1,2 faizi İsrail, 1,1 faizi Oman, 11,3 faizi digər ölkələrin vətəndaşları olub. Gələnlərin 72,2 faizini kişilər, 27,8 faizini qadınlar təşkil edib.

 

Ötən ilin eyni dövrü ilə müqayisədə İsraildən gələnlərin sayı 3,9 dəfə, Tacikistandan - 1,9 dəfə, Çindən - 1,8 dəfə, İspaniyadan - 1,7 dəfə, İordaniyadan - 44,6 faiz, Hindistandan - 44,0 faiz, Qırğızıstandan - 25,7 faiz, Qazaxıstandan - 21,0 faiz, Pakistandan - 19,6 faiz, Misirdən - 18,9 faiz, ABŞ-dan - 17,4 faiz, Niderlanddan - 16,5 faiz artıb.  

 

2024-cü ilin yanvar-fevral ayları ilə müqayisədə Avropa İttifaqına üzv ölkələrdən gələnlərin sayı 1,6 faiz azalaraq 11,0 min nəfər, körfəz ölkələrindən gələnlərin sayı 9,9 faiz azalaraq 62,1 min nəfər, MDB ölkələrindən gələnlərin sayı 9,2 faiz azalaraq 107,4 min nəfər olub, digər ölkələrdən gələnlərin sayı isə 10,8 faiz artaraq 158,1 min nəfər təşkil edib.

 

Ölkəmizə gələn əcnəbilər və vətəndaşlığı olmayan şəxslərin 71,2 faizi hava, 27,2 faizi dəmir yolu və avtomobil, 1,6 faizi isə dəniz nəqliyyatından istifadə edib. 

 

2024-cü ilin yanvar-fevral ayları ilə müqayisədə xarici ölkələrə gedən Azərbaycan vətəndaşlarının ümumi sayı 0,1 faiz azalaraq 296,3 min nəfər olub.

 

İrana gedən Azərbaycan vətəndaşlarının sayı 25,4 faiz, Gürcüstana gedənlərin sayı 17,4 faiz artıb, Türkiyəyə gedənlərin sayı 2,7 faiz, Rusiyaya gedənlərin sayı isə  27,7 faiz azalıb. Azərbaycan Respublikası vətəndaşlarının 36,9 faizi Türkiyəyə, 15,8 faizi Rusiyaya, 11,4 faizi Gürcüstana, 10,7 faizi İrana, 25,2 faizi digər ölkələrə səfər etmişdir.  Gedənlərin 67,5 faizini kişilər, 32,5 faizini qadınlar təşkil edib.

 

2025-ci ilin yanvar-fevral aylarında xarici ölkələrə səfər edən Azərbaycan vətəndaşlarının 68,1 faizi hava, 29,7 faizi dəmir yolu və avtomobil, 2,2 faizi isə dəniz nəqliyyatından istifadə edib.

 


OXŞAR XƏBƏRLƏR

Tramp Putinlə söhbəti çox məhsuldar adlandırıb

ABŞ Prezidenti Donald Tramp Rusiya lideri Vladimir Putinlə telefon danışığını çox məhsuldar adlandırıb.   Sfera.az xəbər verir ki, bu barədə Tramp &l...

Sudandakı müharibə səbəbindən dünya Coca-Cola, şirniyyat və yogurtsuz qala bilər

Sudandakı müharibə bütün dünyada, o cümlədən ABŞ-da qida və kosmetika istehsalına təhlükə yaradıb. Sudandakı hərbiləşdirilmiş RSF (Sürətli Dəstək Qüvvələri) qru...

İlham Əliyev və Mehriban Əliyeva Ağdərəyə səfər edib – Yeni görüntülər

Prezident İlham Əliyevin sosial şəbəkə hesablarında ölkə başçısının birinci xanım Mehriban Əliyeva ilə Ağdərə rayonuna səfərindən görüntülər paylaşılıb. &nbs...

Gəncədə avtomobil 3 piyadanı vurdu

Gəncədə avtomobil bir neçə piyadanı vuraraq xəsarət yetirib.   Sfera.az-ın məlumatına görə, qəzada yaralanmış üç piyada – 1996-cı il təvəl...

Putin və Tramp İsraillə bağlı razılaşdı

ABŞ Prezidenti Donald Tramp və rusiyalı həmkarı Vladimir Putin telefon danışığı zamanı İranın heç vaxt İsraili məhv edəcək mövqedə olmaması barədə razılaşıblar....

Prezidentin sakinlərlə görüşünün- VİDEOSU

Xəbər verdiyimiz kimi, Prezident İlham Əliyev və birinci xanım Mehriban Əliyeva martın 18-də Ağdərə rayonunun Həsənriz kəndində buraya köçən bir qrup sakinlə gö...