Azərbaycanlı yazıçı sürgünə göndərilir

Tehranda yaşayan azərbaycanlı yazıçı, tədqiqatçı və media fəalı Əkbər Azad Tehranın Baharistan bölgəsinin İnqilab Məhkəməsinin Hökmlərin İcrası Bölməsinə çağırılıb.

 

Sfera.az xəbər verir ki, bununla bağlı ona çağırış məktubu göndərilib.

 

Məktubda onun 2 illik sürgün cəzasının icra edilməsi ilə bağlı çağırıldığı bildirilib.

 

Qeyd edək ki, 2017-ci il fevralın 21-də Beynəlxalq Ana Dili Günü ilə bağlı mədəni aksiyada həbs edilən Əkbər Azad 2 il həbs və 2 il sürgün cəzasına məhkum edilib. O, 17 fevral 2024-cü ildə Loristan əyalətinin Dərəşəhr bölgəsinə sürgün edilsə də, bir müddət sonra müalicə üçün Tehrana geri qayıtmışdı.