EQ olaraq da tanınan duyğusal zəka, insanın öz duyğularını və eyni zamanda ətrafındakı insanların hisslərini anlama və dərk etmə bacarığı kimi tanımlanır.

Sfera.az xarici mediaya istinadən xəbər verir ki, elm adamları bu qabiliyyətin sonradan inkişaf etdirilə bilən bir bacarıq olduğunu bildiriblər.

Georgia Texnologiya İnstitutundan Evonne Iau və Paul Verhaeghen tərəfindən bu il yayımlanan elmi məqalədə duyğusal zəkanın təlimlə gücləndirilə biləcəyinə diqqət çəkilib. Harvard Business School isə duyğusal zəkanın inkişafı üçün tətbiq edilə biləcək 4 əsas üsulu açıqlayıb:

1. Gündəlik yazmağa başlayın

Günün sonunda düşüncələrinizi, davranışlarınızı və digər insanlar haqqında müşahidələrinizi qeyd edin. Hansı mövzularda uğurlu olduğunuzu və sizi qəzəbləndirən insanlar və ya hadisələrin nədən qaynaqlandığını analiz etmək, fərqindəliyinizi artıraraq ani emosional reaksiyaların qarşısını almağa kömək edir.

2. Ətrafınızdan rəy alın

Yaxın çevrənizdən güclü və zəif tərəflərinizlə bağlı rəy istəmək, özünüzdə fərqində olmadığınız “kor nöqtələri” aşkara çıxarmağa kömək edir.

3. Aktiv dinləmə bacarığını inkişaf etdirin
"Psychology Today" jurnalına görə, insanların yalnız təxminən 10%-i effektiv şəkildə dinləyə bilir. Qarşınızdakı insanı diqqətlə dinləməyə çalışın, başınızı sallayaraq və ya göz təması quraraq dinlədiyinizi hiss etdirin. Aktiv dinləmə, digər insanların düşüncə və hiss dünyasına yaxınlaşmağınızı asanlaşdırır.

4. Öz duyğularınızı dərk edin

Başqalarının duyğularını anlaya bilmək üçün ilk növbədə öz emosiyalarınızı dərk etməlisiniz. Güclü bir hiss yaşadığınız zaman, onun səbəbini analiz edin və sizi emosional reaksiyaya sövq edən amilləri nəzərdən qaçırmayın.Mütəxəssislərə görə, bu metodlar duyğusal zəkanın inkişafı üçün praktik və təsirli yanaşmalardır.

Fidan Hacızadə

Emosional intellektinizi bu üsulla inkişaf etdirin - Alimlərdən yeni ARAŞDIRMA