Qadınların 80 faizi belə kişilərə üstünlük verir - ARAŞDIRMA

Araşdırmalar qadınların kişilərə maraq göstərməsində əsas meyarın sosial status olduğunu ortaya qoyur. 

Sfera.az xəbər verir ki, mütəxəssislərin fikrincə, bir çox kişi qadınların diqqətini cəlb etməyin yollarını xarici görünüşdə və fiziki xüsusiyyətlərdə axtarsa da, elmi tədqiqatlar bu məsələnin daha dərindən psixoloji və sosial faktorlarla əlaqəli olduğunu göstərir. Sosial status – kişinin cəmiyyətdəki mövqeyi, nüfuzu, maddi durumu və liderlik qabiliyyətlərini əhatə edir.

Mütəxəssislər bildirirlər ki, qadınlar üçün kişinin cəmiyyətdəki yeri, xarici görünüşdən daha önəmlidir. Müasir tanışlıq platformaları, müəyyən fiziki meyarları ön plana çıxarsa da, psixoloji siqnallar – sabitlik, güvən, liderlik və bacarıq qadınların qərarvermə prosesində həlledici rol oynayır. Bu səbəbdən də romantik və hekayə əsaslı məzmunlarda qadınların daha çox sosial statusu yüksək kişi obrazlarına maraq göstərməsi təsadüfi deyil.

Mövzuyla bağlı təkcə insanlara deyil, heyvanlara aid müşahidələr də aparılıb. Məsələn, dişi şimpanzelər daha çox qida gətirən erkəklərə üstünlük verir.
Təkamül nəzəriyyəsi də bu fikri dəstəkləyir. Çarlz Darvinin “seksual seçmə” nəzəriyyəsinə görə, bəzi xüsusiyyətlər sırf cinsi cazibə məqsədilə formalaşır. Erkək tovuzquşunun parlaq lələkləri də məhz bu məqsədə xidmət edir.

Araşdırmalar göstərir ki, qadınlar kişilərin 70 faizini cəlbedici hesab etmir. Bu isə kişilərin sosial statuslarını yüksəltmək üçün daha çox çalışmalı olduqlarını ortaya qoyur. Məşhur 80/20 prinsipi də bu fikri təsdiqləyir. Belə ki, qadınların 80 faizi sosial statusu yüksək olan 20 faiz kişiyə üstünlük verir.

Analitiklərin fikrincə, sosial statusun artırılması yalnız qadınların diqqətini cəlb etmək üçün deyil, həm də kişinin cəmiyyətdə nüfuz qazanması və həyatdakı məqsədini tapması baxımından vacibdir.

Fidan Hacızadə