"Biz gələndə gördük ki, artıq boğulublar" – Şəhidin valideynlərinin faciəli ölümü

Vətən müharibəsi şəhidi Vahid Ağayevin hər iki valideyni eyni gündə dünyasını dəyişib.

Sfera.az Baku TV-yə istinadən xəbər verir ki, şəhidin atası Məcnun Ağayev və anası Gülnaz Ağayeva yaşadıqları evdə dəm qazından zəhərlənərək ölüblər.

"Biz gələndə gördük ki, artıq boğulublar. Övladlarından biri 44 günlük Vətən müharibəsində şəhid olub, digəri isə onların yanında qalırdı. Uşaq evə gələndə valideynləri yox idi, hamamın qapısını açanda isə anasının yerdə olduğunu görüb", - qonşulardan biri bildirib.

Şəhid Vahid Ağayevin valideynləri Maştağa qəbiristanlığında dəfn edilib.