Bu hörümçəklər satışa çıxarıldı - Qiyməti 320 manatdır...
Avstraliya və Amazon meşələrinə məxsus olan, dünyanın ən zəhərli hörümçək növlərindən biri sayılan tarantulalar internet üzərindən satılır.
Sfera.az bildirir ki, bu barədə “CNN Türk” məlumat yayıb.
Türkiyəyə qeyri-qanuni yollarla gətirilən bu buğumayaqlılar 1600-7000 TL (74-326 AZN) arasında dəyişən qiymətlərlə onlayn platformalarda satışa çıxarılır.
Qanunsuz ticarətə qarşı mübarizə aparan Türkiyə Təbiəti Mühafizə və Milli Parklar Baş İdarəsi belə halların aşkar edildiyi təqdirdə heyvan başına 60 187 TL (2806 AZN) cərimə tətbiq olunduğunu açıqlayıb.
Qeyd edək ki, tarantulaların təbiətdən qanunsuz yolla toplanması və satışı həm ekosistemə ciddi zərər vurur, həm də bu təhlükəli canlıların nəzarətsiz şəkildə yayılmasına səbəb ola bilər.
Fidan Hacızadə
