Ötən il ən çox ölüm bu aylarda olub - STATİSTİKA
15:15 / 20.02.2025
6274
2024-cü ildə Azərbaycanda 58 909 nəfər dünyasını dəyişib. Bu, orta hesabla hər ay 4 909 nəfərin həyatla vidalaşması deməkdir.
Sfera.az Dövlət Statistika Komitəsinin məlumatlarına istinadən xəbər verir ki, ötən il aylar üzrə ən çox ölüm faktı yanvar və iyul aylarında qeydə alınıb. Yanvarda 5 518 nəfər, iyulda 5 514 nəfər ölüb. Ən az ölüm faktları isə iyunda (4 256 fakt) və sentyabrda (4 248 fakt) baş verib.
Statistika göstərir ki, ümumilikdə ən çox ölüm soyuq aylarda olur. Ötən il dünyasını dəyişənlərin yarıdan çoxu məhz mart-oktyabr aylarını əhatə edən soyuq aylarda baş verib. Bu aylarda ümumilikdə 30 622 nəfər ölüb. Aprel-sentyabr aylarını əhatə edən isti havalarda isə 28 278 insan həyatla vidalaşıb.
Vasif
