Hava şəraiti kəskin dəyişir, uçuşlar təxirə salınacaq? - RƏSMİ CAVAB

Fevralın 19-u axşamdan 22-si gündüzədək ölkə ərazisində hava şəraiti kəskin dəyişəcək, qar yağacaq və havanın temperaturu ötən günlərlə müqayisədə 7-10 dərəcə enəcək.

Bəs bu dəyişiklik uçuş reyslərinin təxirə salınmasına səbəb ola bilərmi? 

Mövzu ilə bağlı Sfera.az-a danışan Heydər Əliyev Beynəlxalq Aeroportunun direktor köməkçisi və mətbuat katibi Nərmin Xəlilova bildirib ki, hazırda aeroport normal rejimdə fəaliyyətini davam etdirir və uçuşlar cədvələ uyğun şəkildə icra olunur:

"Havanın dəyişməsi ilə əlaqədar olaraq, reyslərin təxirə salınma və ya gecikmə ehtimalı hər bir aviaşirkət tərəfindən müstəqil şəkildə qiymətləndirilir. Hava limanı olaraq biz aviaşirkətlərlə sıx əlaqədəyik və uçuşların təhlükəsiz icrası üçün bütün zəruri tədbirləri görürük".

O qeyd edib ki, sərnişinlər reyslərlə bağlı ən son məlumatları əldə etmək üçün müvafiq aviaşirkətlərə müraciət etməlidir.

Ülkər Abdurahmanlı