Ofisdən işləmək nadir hala çevriləcək - TARİX AÇIQLANDI

"Ofis işi 2034-cü ildə nadir hala çevriləcək".  

Sfera.az xəbər verir ki, bunu “Linkedin”in təsisçisi Rid Hoffman deyib.

Rid Hoffmanın fikrincə, frilans və uzaqdan iş normaya çevriləcək. 10 ildən sonra ABŞ-də işçi qüvvəsinin 50%-dən çoxu ofislərdə deyil, uzaqdan işləyərək qazanc əldə edəcək.

Bundan başqa, CV-nin əhəmiyyəti azalacaq. HR mütəxəssisləri diplomlara və vəzifələrə daha az, real təcrübəyə və onlayn portfelə daha çox diqqət yetirəcəklər. Şəxsi brend CV-dəki sətirlərdən daha vacib olacaq.

Həmçinin o, süni intellektlə bağlı proqnoz verib. Belə ki, neyroşəbəkələr təkcə rutin işləri avtomatlaşdırmayacaq, həm də insanlara strategiyaya və müştərilərlə işləməyə fokuslanmağa kömək edəcək.

R.Hoffman qeyd edib ki, 2034-cü ilə qədər əksər insanlar müxtəlif rolları birləşdirəcəklər: frilans, korporativ iş, investisiya və hətta öz bizneslərini idarə etmək.

Firuzə Əliyeva