Evləndikdən sonra cütlüklər niyə bir-birindən soyuyur? - ARAŞDIRMA

Bir çox araşdırmalar göstərir ki, evlilikdən əvvəl bir-birini sevən və xoşbəxt olan cütlüklər evləndikdən sonra zaman keçdikcə münasibətlərində həyəcan və ehtirasın azaldığını hiss edirlər. Hətta bəzi tədqiqatlara görə, xüsusilə evliliyin ilk ilindən sonra ünsiyyət problemləri başlayır və bu problemlər zamanla daha da dərinləşir.

Sfera.az xəbər verir ki, bu araşdırma Simon Fraser Universitetinin alimləri tərəfindən həyata keçirilib. Araşdırma nəticəsində alimlər nikahdan əvvəl bir-biri ilə xoşbəxt olan cütlüklərin evləndikdən təxminən bir il sonra münasibətlərində daha az səbir göstərdiklərini müşahidə ediblər. 

Evliliyin ilk illərində həyəcan və ehtirasla dolu olan münasibət, zaman keçdikcə rutin halına gəlir. Bəzi cütlüklər üçün bu, ünsiyyətin zəifləməsi və qarşılıqlı anlaşılmazlıqların artması ilə nəticələnir. Bir çox halda, cütlüklər evlilikdən sonra gündəlik stress və məsuliyyətlə üzləşir, bu da onların əlaqələrindəki emosional bağın zəifləməsinə səbəb olur.

Ülkər Abdurahmanlı