Bakıda yeni yol: Babək prospektindən “Gəncliy”ə...
Yusif Səfərov küçəsi, Babək və Heydər Əliyev prospektlərinin kəsişməsində ciddi inrastruktur dəyşikliyi olacaq.
Sfera.az “Xəzər Xəbərə” istinadla xəbər verir ki, nəqliyyatın dayanmadan hərəkəti üçün həmin kəsişmədə fərqli səviyəli yol ötürücüləri və digər alternativ yolların yaradılması gözlənilir.
Yol hərəkəti üzrə ekspert Ərşad Hüseynov deyib ki, əsas hədəflərdən biri Babək prospekti ilə ADA Universitetinin qarşısından keçən yolun birbaşa əlaqələndirilməsidir.
8 Noyabr prospektində də yeni layihələr icra ediləcək. Əsas hədəf "Nargilə dairəsi” kimi tanınan ərazidə sıxlığı aradan qaldırmaqdır.
Ekspert deyir ki, bundan başqa şəhərdə nəqliyyat axınının intensivliyini təmin etmək məqsədilə 8 Noyabr da daxil olmaqla, 4 böyük əsas prospekti birləşdirən yeni yolun yaradılması da əsas hədəflərdəndir.
