Selfi çəkdirmək istəyən 55 yaşlı turistin əlini köpək balığı dişləyib. Hadisə Karib dənizindəki Turks və Kaykos kurort adalarında baş verib. Bu barədə Daily Mail yazır.

Sfera.az bildirir ki, Kanada vətəndaşı olduğu ehtimal edilən qadın yırtıcı ona hücum edən zaman sahildən cəmi bir neçə metr aralıda olub.

Yerli hakimiyyət orqanları bildiriblər ki, 55 yaşlı qadın dayaz suda gəzərək heyvanla "təmas qurmağa" və onun şəklini çəkməyə çalışıb.

Şahidlər bildiriblər ki, həmin vaxt qadının ailəsi yaxınlıqda olub və həyat yoldaşı cəsarətlə köpək balığını dayandırmağa çalışıb ki, onu yenidən dişləməsin.

Yerli hakimiyyət orqanları köpəkbalığının təxminən iki metr uzunluğunda olduğunu təxmin edir, növü hələ də məlum deyil. İnternetdə təsdiqlənməmiş xəbərlər isə onun öküz köpəkbalığı olduğunu göstərir.

Hadisə şahidlərindən biri: "Mən orada 40 dəqiqə olmuşam və bu hələ də davam edirdi"-deyə bildirib.

Qadının qohumu olduğunu iddia edən kişi qadını dişlədikdən sonra sahilə özü qayıda bildiyini deyib. Köpəkbalığı onu da budundan dişləsə də, kişi xoşbəxtlikdən ayağını itirmədiyini bildirib.

Eyni zamanda, hadisə şahidlərinin sözlərinə görə, həyat yoldaşı çarəsiz şəkildə dövrə vurmağa davam edən və yenidən qadını dişləməyə çalışan köpək balığı ilə mübarizə aparmağa çalışıb.

Polis və ətraf mühit rəsmiləri hücumu təsdiqləyib, yerli sakinlərə və turistlərə hər şey aydınlaşana qədər okeana getməməyi tövsiyə ediblər.

Bildirilir ki, qadının bir qolu biləyindən, digəri isə ön qolunun ortasından kəsilib. Onun hazırda Kanadada müalicə aldığı bildirilir.

Florida Təbiət Tarixi Muzeyinin Beynəlxalq Köpəkbalığı Hücum Faylına (ISAF) görə, Turks və Kaykos adaları yaxınlığındakı sularda köpəkbalığı dişləmələri nisbətən nadirdir və keçən il yalnız bir səbəbsiz ölümcül hücum qeydə alınıb.

2023-cü ildə arxipelaq sahillərində akvalanqla dalış edən amerikalı qadının ayağını köpək balığı dişləyib.

Turks və Kaykos adaları ərazisi boz rif köpəkbalığı, tibb bacısı köpəkbalığı, pələng köpəkbalığı, öküz köpəkbalığı və çəkic başlı köpəkbalığı da daxil olmaqla bir çox köpəkbalığı növünə ev sahibliyi edir.

ISAF bu həftə verdiyi açıqlamada, "2024-cü il köpəkbalığı dişləmələri üçün olduqca sakit bir il olduğunu qeyd edib. Dünyada cəmi 47 səbəbsiz hücum qeydə alınıb ki, bu da əvvəlki ildən 22 fakt azdır.

Köpək balığı selfi çəkməyə çalışan turistin qollarını dişlədi