Azərbaycan avtomobilləri hansı ölkələrdən alır? – ARAŞDIRMA

2024-cü ildə Azərbaycan 82 434 ədəd minik avtomobili idxal edib. Bu qədər avtomobilin idxalına 1,566 milyard dollar pul xərclənib. 

Sfera.az xəbər verir ki, Azərbaycan minik avtomobillərini bir neçə ölkədən alıb. Amma daha çox avtomobil alınan ölkələr Cənubi Koreya, Çin, Yaponiya və ABŞ-dir. Bu ölkələrlə yanaşı Almaniyadan, Meksikadan və Böyük Britaniyadan da çox sayda avtomobil gətirilib. 

2024-cü il ərzində Cənubi Koreyadan 22 279 ədəd, Çindən 19 404 ədəd, Yaponiyadan 12 221 ədəd, ABŞ-dən 10 357 ədəd avtomobil idxalı həyata keçirilib. İdxalda beşinci sırada Almaniya (5 900 ədəd), altıncı yerdə Meksika (5 464 ədəd), yeddinci yerdə Böyük Britaniya (2 143 ədəd) dayanıb. 

Digər ölkələrdən idxal edilən avtomobillərin sayı 1000 ədəddən azdır. Bu qrup ölkələrə Rusiya, Cənubi Afrika Respublikası, Çexiya, Slovakiya, İspaniya, İtaliya daxildir. 
Maraqlı fakt ondan ibarətdir ki, uzun illər Azərbaycana ən çox avtomobil ixrac edən Gürcüstan siyahıda yoxdur. Qonşu ölkədən Azərbaycana demək olar ki, avtomobil idxal edilməyib. Gürcüstandan idxalın sıfıra düşməsinin əsas səbəbi quru sərhədlərin bağlı olmasıdır. 

Vasif