“RABİTƏBANK” ASC 2024-cü il maliyyə nəticələrini açıqlayıb
Rabitəbank 2024-cü ili mənfəət ilə başa vurub.
Nəticələrə əsasən qeyd edək ki, bank əsas göstəricilər üzrə artım dinamikasını qoruyub saxlayıb. Belə ki, müvafiq dövr üzrə Rabitəbank 14 milyon 851 min manat xalis mənfəət əldə edib.
Cari ildə Bankın aktivləri 1.4% artaraq 1 milyard 154 milyon manata çatıb.
KREDİT PORTFELİNDƏ MÜSBƏT DİNAMİKA
Bankın kredit portfeli böyüyərək ötən ilin müvafiq dövrü ilə müqayisədə 17.6 % artıb. Nəticədə ümumi kredit portfeli 848 milyon 92 min manata yüksəlib.
Kredit portfelinin əsas hissəsini biznes kreditləri təşkil edir. Belə ki, biznes kreditləri portfeli 15.5% artaraq 399 milyon 112 min manata, o cümlədən, istehlak kreditləri portfeli 22.4% artaraq 293 milyon 398 min manata, ipoteka kreditləri isə 14.3% artaraq 155 milyon 582 min manata çatıb.
BANKDA FİZİKİ ŞƏXSLƏRİN ƏMANƏTLƏRİ ARTIB.
Ümumi əmanət portfelinə nəzər saldıqda isə görürük ki, fiziki şəxslər üzrə əmanətlər isə 3.7% artaraq 461 milyon 954 min manata çatıb.
FAİZ GƏLİRLƏRİ YÜKSƏLİB
Bankın faiz gəlirləri ötən ilin analoji dövrü ilə müqayisədə 25.4% artaraq 114 milyon 286 min manata çatıb. Qeyri-faiz gəlirləri isə 2.7% artımla 52 milyon 972 min manata yüksəlib.
Məcmu kapitalına nəzər saldıqda isə görürük ki, ötən ilin eyni dövrü ilə müqayisədə 17.3% artaraq 132 milyon 859 min manat olub.
Qeyd edək ki, hal-hazırda “Rabitəbank” ASC 16 region və Bakı şəhəri üzrə ümumilikdə 27 xidmət məntəqəsi, 75 ATM-i, "Rabita Mobile" tətbiqi, İnternet Bankçılıq platforması, "RabitaBot" çatbotu və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.
